اک ترا تصور ہی آخری سہارا ہے
اک ترا تصور ہی آخری سہارا ہے
ورنہ دل کا آئینہ کب سے پارہ پارہ ہے
زندگی خبر بھی ہے بے وفا زمانے میں
میں نے تیری زلفوں کو کس طرح سنوارا ہے
ایک دل کی تنہائی اور سو غم دوراں
میں نے درد دنیا پہ درد دل کو وارا ہے
میں ہوں اس کنارے پر تم ہو اس کنارے پر
بیچ میں سمندر کا کتنا تیز دھارا ہے
دل تڑپ گئے ہوں گے باغ میں عنادل کے
میں نے بے وفا تجھ کو جس طرح پکارا ہے
ازدحام جلوہ ہے بارش تجلی ہے
دامن نظر کس نے شوق سے پسارا ہے
لوگ ٹھیک کہتے ہیں قبر پر مری آ کر
موت سے یہ کیا مرتا زندگی نے مارا ہے
دل کے آبگینے کو ٹھیس لگ گئی کیسے
کیا کسی نے پھر مجھ کو دور سے پکارا ہے
بول تیرے کانوں سے کس کی چیخ ٹکرائی
ہائے کتنا لرزیدہ تیرا گوشوارہ ہے
اے سحرؔ چلے آتے تم بھی سیر گلشن کو
باد نو بہاری ہے شبنمی نظارا ہے
مأخذ:
رقص سحر (Pg. 103)
- مصنف: بدیع الزماں سحر
-
- ناشر: بہار اردو اکیڈمی، پٹنہ
- سن اشاعت: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.