ilaj-e-ranj-o-malal rakhta
'ilāj-e-ranj-o-malāl rakhtā
safar meñ koī ḳhayāl rakhtā
koī to furqat kī sarzamīñ par
asās-e-fasl-e-visāl rakhtā
tujhe dikhātā maiñ husn-e-ulfat
agar tū zauq-e-jamāl rakhtā
ḳhirad ke tālib the chāroñ jānib
maiñ kaise dil kā savāl rakhtā
koī to nafrat kī dāstāñ meñ
mohabbatoñ kī misāl rakhtā
nigāh lagtī gudāz resham
agar tū kāñTe na paal rakhtā
'valīd' chāhā thā zaḳhm-e-dil par
vo apnī palkoñ kā jaal rakhtā
'ilaj-e-ranj-o-malal rakhta
safar mein koi KHayal rakhta
koi to furqat ki sarzamin par
asas-e-fasl-e-visal rakhta
tujhe dikhata main husn-e-ulfat
agar tu zauq-e-jamal rakhta
KHirad ke talib the chaaron jaanib
main kaise dil ka sawal rakhta
koi to nafrat ki dastan mein
mohabbaton ki misal rakhta
nigah lagti gudaz resham
agar tu kanTe na pal rakhta
'walid' chaha tha zaKHm-e-dil par
wo apni palkon ka jal rakhta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
