in ilm-o-agahi ki kitabon mein kuchh nahin
in ilm-o-āgahī kī kitāboñ meñ kuchh nahīñ
kyā DhūñDhtā hai yaar nisāboñ meñ kuchh nahīñ
ḳhushbū ko DhūñDne kī tamannā hai kis liye
kuchh aur dekh sūkhe gulāboñ meñ kuchh nahīñ
jab apne paas pyaar kī sūrat nahīñ rahī
chhoḌo ḳhayāl-e-dost ki ḳhvāboñ meñ kuchh nahīñ
vo shahr miT chukā jo basāyā thā pyaar kā
kyā DhūñDte ho yaar ḳharāboñ meñ kuchh nahīñ
ho aañkh meñ surūr to kyā mai-kade se kaam
sāġhar meñ kuchh nahīñ hai sharāboñ meñ kuchh nahīñ
in ilm-o-agahi ki kitabon mein kuchh nahin
kya DhunDhta hai yar nisabon mein kuchh nahin
KHushbu ko DhunDne ki tamanna hai kis liye
kuchh aur dekh sukhe gulabon mein kuchh nahin
jab apne pas pyar ki surat nahin rahi
chhoDo KHayal-e-dost ki KHwabon mein kuchh nahin
wo shahr miT chuka jo basaya tha pyar ka
kya DhunDte ho yar KHarabon mein kuchh nahin
ho aankh mein surur to kya mai-kade se kaam
saghar mein kuchh nahin hai sharabon mein kuchh nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
