inki nazron mein na ban jae tamasha chehra

Zafar Ansari Zafar

inki nazron mein na ban jae tamasha chehra

Zafar Ansari Zafar

MORE BY Zafar Ansari Zafar

    in nazroñ meñ na ban jaa.e tamāsha chehra

    is liye Dartā huuñ dikhlāne se apnā chehra

    jaane kyā baat huī shahr-e-nigār-e-jāñ meñ

    aaj kyuuñ ajnabī lagtā hai shanāsā chehra

    bahr-e-ġham bhī hai kabhī āshiq ḳhasta ke liye

    hai kabhī sāhil-e-ishrat bhī tumhārā chehra

    ham vahāñ haiñ jahāñ qaa.em hai hukūmat dil

    phir bhī kyuuñ roz dikhātā hai karishma chehra

    chehra-e-husn ko ab dekh ke ye sochtā huuñ

    aa.ina hai koī ā.ina-ḳhāna chehra

    kyā rahe dil koī baat muamma ban kar

    kartā rahtā hai yahāñ dil fasāna chehra

    kaun hai jis ke liye itnā pareshān hai dil

    DhūñDhtā rahtā hai ab kis ko vo chehra chehra

    kushta-e-gardish-e-daurāñ hue uf taqdīr

    varna kal chāñd se behtar thā hamārā chehra

    vo tire phuul se din mujh ko bahut yaad aa.e

    maiñ ne dekhā jo tirā dhuup meñ jhulsā chehra

    chashm-e-mushtāq za-sar tā-ba-qadam maiñ bhī huuñ

    ban gayā hai jo tirā husn sarāpā chehra

    mehrbāñ kaun mire dil pe hai itnā ai 'zafar'

    har ghaḌī rahtā hai āñkhoñ meñ ye kis chehra

    in ki nazron mein na ban jae tamasha chehra

    is liye Darta hun dikhlane se apna chehra

    jaane kya baat hui shahr-e-nigar-e-jaan mein

    aaj kyun ajnabi lagta hai shanasa chehra

    bahr-e-gham bhi hai kabhi aashiq KHasta ke liye

    hai kabhi sahil-e-ishrat bhi tumhaara chehra

    hum wahan hain jahan qaem hai hukumat dil ki

    phir bhi kyun roz dikhata hai karishma chehra

    chehra-e-husn ko ab dekh ke ye sochta hun

    aaina hai koi ya aaina-KHana chehra

    kya rahe dil ki koi baat muamma ban kar

    karta rahta hai yahan dil ka fasana chehra

    kaun hai jis ke liye itna pareshan hai dil

    DhunDhta rahta hai ab kis ko wo chehra chehra

    kushta-e-gardish-e-dauran hue uf ri taqdir

    warna kal chand se behtar tha hamara chehra

    wo tere phul se din mujh ko bahut yaad aae

    main ne dekha jo tera dhup mein jhulsa chehra

    chashm-e-mushtaq za-sar ta-ba-qadam main bhi hun

    ban gaya hai jo tera husn sarapa chehra

    mehrban kaun mere dil pe hai itna ai 'zafar'

    har ghaDi rahta hai aankhon mein ye kis ka chehra

    Source:

    • Book : Rang-e-sabat (Pg. 33)
    • Author : Zafar Ansari Zafar
    • Publication : Maktaba Jamia, Jamia Nagar, New Delhi (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY