inhin hathon se apni zindagi ko chhu ke dekha tha

inhīñ hāthoñ se apnī zindagī ko chhū ke dekhā thā

vo thā ik ḳhvāb yā maiñ ne kisī ko chhū ke dekhā thā

ka.ī rangoñ ke manzar aaj bhī raqsāñ haiñ āñkhoñ meñ

mirī āñkhoñ ne aisī sādgī ko chhū ke dekhā thā

'ajab sī aag meñ jalne lagā saarā badan merā

mire hoñThoñ ne us kī tishnagī ko chhū ke dekhā thā

kisī ke lams kā jaadū mirī rag rag meñ utrā thā

mire ehsās ne dīvāngī ko chhū ke dekhā thā

bhalā kis ko yaqīñ aa.egā merī baat par lekin

kabhī maiñ ne mujassam chāñdnī ko chhū ke dekhā thā

pighal kar bah ga.e bebāk lahroñ ke ishāroñ par

kināroñ ne 'abas chaḌhtī nadī ko chhū ke dekhā thā

inhin hathon se apni zindagi ko chhu ke dekha tha

wo tha ek KHwab ya main ne kisi ko chhu ke dekha tha

kai rangon ke manzar aaj bhi raqsan hain aankhon mein

meri aankhon ne aisi sadgi ko chhu ke dekha tha

'ajab si aag mein jalne laga sara badan mera

mere honThon ne us ki tishnagi ko chhu ke dekha tha

kisi ke lams ka jadu meri rag rag mein utra tha

mere ehsas ne diwangi ko chhu ke dekha tha

bhala kis ko yaqin aaega meri baat par lekin

kabhi main ne mujassam chandni ko chhu ke dekha tha

pighal kar bah gae bebak lahron ke ishaaron par

kinaron ne 'abas chaDhti nadi ko chhu ke dekha tha