aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

insaf ki taraazu mein taula ayan hua

Haidar Ali Aatish

insaf ki taraazu mein taula ayan hua

Haidar Ali Aatish

MORE BYHaidar Ali Aatish

    insāf tarāzū meñ taulā ayaañ huā

    yūsuf se tere husn palla girāñ huā

    rū-e-zamīñ pe aisā maiñ bismil tapāñ huā

    uḌ kar mirā lahū shafaq-e-āsmāñ huā

    us barq-vash ishq-e-nihānī ayaañ huā

    abr-e-siyāh aahoñ mere dhuāñ huā

    piirī meñ mujh ko ishq-e-hasīn-e-javāñ huā

    bār-e-digar kabāde meñ zor-e-kamāñ huā

    ahl-e-zamīñ se saaf kahāñ āsmāñ huā

    kis roz burj-e-māh meñ farsh-e-katāñ huā

    ma.adūm dāġh-e-ishq dil se nishāñ huā

    afsos be-charāġh hamārā makāñ huā

    do TukḌe ek vaar meñ ḳhūd-e-hubāb hai

    girdāb-e-mauj teġh ko sañg-e-fasāñ huā

    dekhā jo maiñ ne us ko samundar aañkh se

    gulzār aag ho ga.ī sumbul dhuāñ huā

    miltā nahīñ dimāġh gesū-e-yār

    kuchh in dinoñ meñ mushk saudāgarāñ huā

    ḳhush-chashmoñ ke firāq meñ khaa.e ye pech-o-tāb

    shāḳh-e-ġhazāl apnā har ik ustuḳhāñ huā

    saḳhtī-e-rāh-e-ishq se vāqif hue na paañv

    josh-e-junūñ mire liye taḳht-e-ravāñ huā

    amboh-e-āshiqāñ se huā husn ko ġhurūr

    kasrat se mushtarī ye saudāgrāñ huā

    paivand-e-ḳhāk ho ga.e ik but raah meñ

    patthar hamārī qabr sañg-e-nishāñ huā

    pheñkā gayā na pīr-e-falak na.al tarah

    koī na tifl-e-ashk hamārā javāñ huā

    dekhne gayā lab-e-dariyā jo chāñdnī

    istāda tujh ko dekh ke āb-e-ravāñ huā

    insāñ ko chāhiye ki na ho nāgavār-tab.a

    samjhe subuk use jo kisī par girāñ huā

    us gul se arz-e-hāl hasrat rah ga.ī

    kāñTe paḌe zabāñ meñ jo mail-e-bayāñ huā

    allāh ke karam se butoñ ko kiyā mutī.a

    zer-e-nagīñ qalam-rav-e-hindostāñ huā

    insāf maiñ ne ālam-e-asbāb meñ kiyā

    banvā.ī chāñdnī jo mayassar katāñ huā

    gardish ne us surma kiye apne ustuḳhāñ

    chakkī hamāre pīsne ko āsmāñ huā

    qātil teġh se rah-e-mulk-e-adam milī

    aahan hamāre vāste sañg-e-nishāñ huā

    fikr-e-buland ne mirī aisā kiyā buland

    'ātish' zamīn-e-sher se past āsmāñ huā

    insaf ki taraazu mein taula ayan hua

    yusuf se tere husn ka palla giran hua

    ru-e-zamin pe aisa main bismil tapan hua

    uD kar mera lahu shafaq-e-asman hua

    us barq-wash ka ishq-e-nihani ayan hua

    abr-e-siyah aahon ka mere dhuan hua

    piri mein mujh ko ishq-e-hasin-e-jawan hua

    bar-e-digar kabaade mein zor-e-kaman hua

    ahl-e-zamin se saf kahan aasman hua

    kis roz burj-e-mah mein farsh-e-katan hua

    madum dagh-e-ishq ka dil se nishan hua

    afsos be-charagh hamara makan hua

    do TukDe ek war mein KHud-e-hubab hai

    girdab-e-mauj tegh ko sang-e-fasan hua

    dekha jo main ne us ko samundar ki aankh se

    gulzar aag ho gai sumbul dhuan hua

    milta nahin dimagh hi gesu-e-yar ka

    kuchh in dinon mein mushk ka saudagaran hua

    KHush-chashmon ke firaq mein khae ye pech-o-tab

    shaKH-e-ghazal apna har ek ustuKHan hua

    saKHti-e-rah-e-ishq se waqif hue na panw

    josh-e-junun mere liye taKHt-e-rawan hua

    amboh-e-ashiqan se hua husn ko ghurur

    kasrat se mushtari ki ye saudagran hua

    paiwand-e-KHak ho gae ek but ki rah mein

    patthar hamari qabr ka sang-e-nishan hua

    phenka gaya na pir-e-falak nal ki tarah

    koi na tifl-e-ashk hamara jawan hua

    tu dekhne gaya lab-e-dariya jo chandni

    istada tujh ko dekh ke aab-e-rawan hua

    insan ko chahiye ki na ho nagawar-taba

    samjhe subuk use jo kisi par giran hua

    us gul se arz-e-haal ki hasrat hi rah gai

    kanTe paDe zaban mein jo mail-e-bayan hua

    allah ke karam se buton ko kiya mutia

    zer-e-nagin qalam-raw-e-hindostan hua

    insaf main ne aalam-e-asbab mein kiya

    banwai chandni jo mayassar katan hua

    gardish ne us ki surma kiye apne ustuKHan

    chakki hamare pisne ko aasman hua

    qatil ki tegh se rah-e-mulk-e-adam mili

    aahan hamare waste sang-e-nishan hua

    fikr-e-buland ne meri aisa kiya buland

    'atish' zamin-e-sher se past aasman hua

    Source:

    Kulliyat-e-Khwaja Haidar Ali Aatish (Pg. 57)

    • Author: Haidar Ali Aatish
      • Publisher: Munshi Nawal Kishor, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now