insan ki haalat par ab waqt bhi hairan hai

insān kī hālat par ab vaqt bhī hairāñ hai

har shaḳhs ke hāthoñ meñ apnā hī garebāñ hai

kīchaḌ na uchhāleñ ham kirdār pe auroñ ke

hai chāñd barahna gar sūraj bhī to uryāñ hai

ab log sabaq ham se kyuuñ kar nahīñ lete haiñ

ab paas hamāre to ibrat kā bhī sāmāñ hai

tabdīlī-e-ḳhvāhish par ye zehn bhī hairāñ hai

ab dil ye mohabbat ke saa.e se gurezāñ hai

har roz hī bahtā hai ruḳhsār pe rātoñ kī

ye ashk falak ke jo chehre pe bhī larzāñ hai

kyuuñ us ko mohabbat kā ehsās nahīñ hotā

āñkhoñ meñ mirī ab to har dard numāyāñ hai

duniyā se to laḌne kā aa.egā mazā kitnā

paane kī tamannā meñ miTne kā bhī imkāñ hai

insan ki haalat par ab waqt bhi hairan hai

har shaKHs ke hathon mein apna hi gareban hai

kichaD na uchhaalen hum kirdar pe auron ke

hai chand barahna gar suraj bhi to uryan hai

ab log sabaq hum se kyun kar nahin lete hain

ab pas hamare to ibrat ka bhi saman hai

tabdili-e-KHwahish par ye zehn bhi hairan hai

ab dil ye mohabbat ke sae se gurezan hai

har roz hi bahta hai ruKHsar pe raaton ki

ye ashk falak ke jo chehre pe bhi larzan hai

kyun us ko mohabbat ka ehsas nahin hota

aankhon mein meri ab to har dard numayan hai

duniya se to laDne ka aaega maza kitna

pane ki tamanna mein miTne ka bhi imkan hai