irada tha ki ab ke rang-e-duniya dekhna hai

Hasan Abbas Raza

irada tha ki ab ke rang-e-duniya dekhna hai

Hasan Abbas Raza

MORE BYHasan Abbas Raza

    irāda thā ki ab ke rañg-e-duniyā dekhnā hai

    ḳhabar kyā thī ki apnā tamāshā dekhnā hai

    Dasegā bebasī naag jaane aur kab tak

    na jaane aur kitne din ye naqsha dekhnā hai

    duā shāmiyāna bhī nahīñ hai ab to sar par

    so ḳhud ko hiddat-e-ġham meñ jhulastā dekhnā hai

    nahīñ ab sochnā kyā ho chukā kyā hogā aage

    bas ab to haath rekhā likkhā dekhnā hai

    bahut dekhā hai ḳhud ko rañj par taqsīm hote

    aur ab taqsīm-dar-taqsīm hotā dekhnā hai

    maiñ phir ik ḳhat tire āñgan girānā chāhtā huuñ

    mujhe phir se tirā rañg-e-burīda dekhnā hai

    sar-tā-pā zabānī yaad ho jā.egī mujh ko

    ki ab maiñ ne tujhe itnā ziyāda dekhnā hai

    'hasan' maiñ ek lambī saañs lenā chāhtā huuñ

    maiñ jaisā thā kisī din ḳhud ko vaisā dekhnā hai

    irada tha ki ab ke rang-e-duniya dekhna hai

    KHabar kya thi ki apna hi tamasha dekhna hai

    Dasega bebasi ka nag jaane aur kab tak

    na jaane aur kitne din ye naqsha dekhna hai

    dua ka shamiyana bhi nahin hai ab to sar par

    so KHud ko hiddat-e-gham mein jhulasta dekhna hai

    nahin ab sochna kya ho chuka kya hoga aage

    bas ab to hath ki rekha ka likkha dekhna hai

    bahut dekha hai KHud ko ranj par taqsim hote

    aur ab taqsim-dar-taqsim hota dekhna hai

    main phir ek KHat tere aangan girana chahta hun

    mujhe phir se tera rang-e-burida dekhna hai

    tu sar-ta-pa zabani yaad ho jaegi mujh ko

    ki ab main ne tujhe itna ziyaada dekhna hai

    'hasan' main ek lambi sans lena chahta hun

    main jaisa tha kisi din KHud ko waisa dekhna hai

    Source:

    • Book : Taawaan (Pg. 53)
    • Author : Hasan Abbas Raza
    • Publication : Doost Publications, Islamabad (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY