is baat ki nahin hai koi intiha na puchh

Josh Malihabadi

is baat ki nahin hai koi intiha na puchh

Josh Malihabadi

MORE BY Josh Malihabadi

    is baat nahīñ hai koī intihā na pūchh

    ai mudda.ā-e-ḳhalq mirā mudda.ā na pūchh

    kyā kah ke phuul bantī haiñ kaliyāñ gulāb

    ye raaz mujh se bulbul-e-shīrīñ-navā na pūchh

    jitne gadā-navāz the kab ke guzar chuke

    ab kyuuñ bichhā.e baiThe haiñ ham boriyā na pūchh

    pesh-e-nazar hai past-o-buland-e-rah-e-junūñ

    ham be-ḳhudoñ se qissa-e-arz-o-samā na pūchh

    sumbul se vāsta na chaman se munāsibat

    is zulf-e-mushk-bār haal ai sabā na pūchh

    sad mahfil-e-nashāt hai ik sher-e-dil-nashīñ

    is barbat-e-suḳhan meñ hai kis sadā na pūchh

    kar rahm mere jeb o garebāñ pe ham-nafas

    chaltī hai kū-e-yār meñ kyūñkar havā na pūchh

    rahtā nahīñ hai dahr meñ jab koī aasrā

    us vaqt aadmī pe guzartī hai kyā na pūchh

    har saañs meñ hai chashma-e-haivān-o-salsabīl

    phir bhī maiñ tishna-kām huuñ ye mājrā na pūchh

    banda tire vajūd munkir nahīñ magar

    duniyā ne kyā diye haiñ sabaq ai ḳhudā na pūchh

    kyuuñ 'josh' rāz-e-dost kartā hai justujū

    kah do koī ki shaah haal ai gadā na pūchh

    is baat ki nahin hai koi intiha na puchh

    ai muddaa-e-KHalq mera muddaa na puchh

    kya kah ke phul banti hain kaliyan gulab ki

    ye raaz mujh se bulbul-e-shirin-nawa na puchh

    jitne gada-nawaz the kab ke guzar chuke

    ab kyun bichhae baiThe hain hum boriya na puchh

    pesh-e-nazar hai past-o-buland-e-rah-e-junun

    hum be-KHudon se qissa-e-arz-o-sama na puchh

    sumbul se wasta na chaman se munasibat

    is zulf-e-mushk-bar ka haal ai saba na puchh

    sad mahfil-e-nashat hai ek sher-e-dil-nashin

    is barbat-e-suKHan mein hai kis ki sada na puchh

    kar rahm mere jeb o gareban pe ham-nafas

    chalti hai ku-e-yar mein kyunkar hawa na puchh

    rahta nahin hai dahr mein jab koi aasra

    us waqt aadmi pe guzarti hai kya na puchh

    har sans mein hai chashma-e-haiwan-o-salsabil

    phir bhi main tishna-kaam hun ye majra na puchh

    banda tere wajud ka munkir nahin magar

    duniya ne kya diye hain sabaq ai KHuda na puchh

    kyun 'josh' raaz-e-dost ki karta hai justuju

    kah do koi ki shah ka haal ai gada na puchh

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY