is dar pe mujhe yar machalne nahin dete

Zain-ul-Abideen Khan Arif

is dar pe mujhe yar machalne nahin dete

Zain-ul-Abideen Khan Arif

MORE BYZain-ul-Abideen Khan Arif

    is dar pe mujhe yaar machalne nahīñ dete

    armān mire ke nikalne nahīñ dete

    dam dam meñ ḳhabar pahuñche hai jo aane apnī

    hai jaan laboñ par vo nikalne nahīñ dete

    āshob-e-qayāmat se zi-bas ḳhauf hai sab ko

    do chaar qadam bhī unheñ chalne nahīñ dete

    jaatā hai safā-e-ruḳh-e-dildār pe jab dil

    maqdūr tak apne to phisalne nahīñ dete

    aadat meñ karo farq na tum apnī nigah se

    kyuuñ zahr use aaj ugalne nahīñ dete

    vo parda-nashīnī ri.āyat hai tumhārī

    ham baat bhī ḳhalvat se nikalne nahīñ dete

    ye dast-basar rahne 'ārif' vo mahal hai

    us kaf-e-afsos bhī malne nahīñ dete

    is dar pe mujhe yar machalne nahin dete

    arman mere ji ke nikalne nahin dete

    dam dam mein KHabar pahunche hai jo aane ki apni

    hai jaan labon par wo nikalne nahin dete

    aashob-e-qayamat se zi-bas KHauf hai sab ko

    do chaar qadam bhi unhen chalne nahin dete

    jata hai safa-e-ruKH-e-dildar pe jab dil

    maqdur tak apne to phisalne nahin dete

    aadat mein karo farq na tum apni nigah se

    kyun zahr use aaj ugalne nahin dete

    wo parda-nashini ki riayat hai tumhaari

    hum baat bhi KHalwat se nikalne nahin dete

    ye dast-basar rahne ka 'arif' wo mahal hai

    us ja kaf-e-afsos bhi malne nahin dete

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY