is darja bhag dauD ke itna kamaenge

is darja bhaag dauḌ ke itnā kamā.enge

ham zindagī kī shaam talak ghar banā.eñge

pahle to zindagī kī bahut chaah thī hameñ

kis ko ḳhabar thī raah meñ ye moḌ ā.eñge

kahte haiñ kaT hī jaatī hai umr-e-darāz bhī

so mutma.in haiñ apne bhī din biit jā.eñge

mahrūmiyoñ ke daaġh nā-āsūda ḳhvāhisheñ

in sab ke saath ham tujhe kyā muñh dikhā.eñge

mar kar bhī ḳhvāhishoñ se na mil pā.egī najāt

ham ḳhvāhish-e-bahisht ke chakkar meñ ā.eñge

allāh mehrbān bhī aadil bhī hai 'jalīl'

chaliye usī se chal ke zarā lau lagā.eñge

is darja bhag dauD ke itna kamaenge

hum zindagi ki sham talak ghar banaenge

pahle to zindagi ki bahut chah thi hamein

kis ko KHabar thi rah mein ye moD aaenge

kahte hain kaT hi jati hai umr-e-daraaz bhi

so mutmain hain apne bhi din bit jaenge

mahrumiyon ke dagh na-asuda KHwahishen

in sab ke sath hum tujhe kya munh dikhaenge

mar kar bhi KHwahishon se na mil paegi najat

hum KHwahish-e-bahisht ke chakkar mein aaenge

allah mehrban bhi aadil bhi hai 'jalil'

chaliye usi se chal ke zara lau lagaenge