is daur ke asar ka jo puchho bayan nahin

Shaikh Zahuruddin Hatim

is daur ke asar ka jo puchho bayan nahin

Shaikh Zahuruddin Hatim

MORE BYShaikh Zahuruddin Hatim

    is daur ke asar jo pūchho bayāñ nahīñ

    hai kaun zamīñ ki jahāñ āsmāñ nahīñ

    is darja dilbaroñ se koī rasm-e-dilbarī

    dil haath par liye huuñ koī dil-sitāñ nahīñ

    afsurda dil thā ab to huā ġham se murda-dil

    jiitā huuñ dekhne meñ vale mujh meñ jaañ nahīñ

    ādāb sohbatoñ koī ham se siikh le

    par kyā karūñ ki tālib-e-sohbat yahāñ nahīñ

    dil jal ke bujh gayā hai kisī ne ḳhabar na

    ham soḳhta-diloñ koī qadr-dāñ nahīñ

    hai kal baat sab ke diloñ meñ aziiz thā

    par in dinoñ to ek bhī dil mehrbāñ nahīñ

    aisī havā bahī ki hai chāroñ taraf fasād

    juz sāya-e-ḳhudā kahīñ dār-ul-amāñ nahīñ

    aalam haigī nirḳh-e-ilāhī se zindagī

    tis par bhī dekhtā huuñ ki bahutoñ ko naañ nahīñ

    'hātim' ḳhamosh lutf-e-suḳhan kuchh nahīñ rahā

    baktā abas phire hai koī nukta-dāñ nahīñ

    is daur ke asar ka jo puchho bayan nahin

    hai kaun si zamin ki jahan aasman nahin

    is darja dilbaron se koi rasm-e-dilbari

    dil hath par liye hun koi dil-sitan nahin

    afsurda dil tha ab to hua gham se murda-dil

    jita hun dekhne mein wale mujh mein jaan nahin

    aadab sohbaton ka koi hum se sikh le

    par kya karun ki talib-e-sohbat yahan nahin

    dil jal ke bujh gaya hai kisi ne KHabar na li

    hum soKHta-dilon ka koi qadr-dan nahin

    hai kal ki baat sab ke dilon mein aziz tha

    par in dinon to ek bhi dil mehrban nahin

    aisi hawa bahi ki hai chaaron taraf fasad

    juz saya-e-KHuda kahin dar-ul-aman nahin

    aalam ki haigi nirKH-e-ilahi se zindagi

    tis par bhi dekhta hun ki bahuton ko nan nahin

    'hatim' KHamosh lutf-e-suKHan kuchh nahin raha

    bakta abas phire hai koi nukta-dan nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY