aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

is ke jo jo ki fawaed hain KHud dekhte jao

Meer Mehdi Majrooh

is ke jo jo ki fawaed hain KHud dekhte jao

Meer Mehdi Majrooh

MORE BYMeer Mehdi Majrooh

    is ke jo jo ki favā.ed haiñ ḳhud dekhte jaao

    sach kahā hai ye kisī ne ki piyo aur pilāo

    zabt sarkār meñ hone ke liye chhoḌ na jaao

    ḳhuub khaao zar-o-māl ko aur ḳhuub uḌaao

    tum meñ aur ġhair meñ jo shab ko huī hai sohbat

    ḳhud kahe detā hai vo aap āñkhoñ jhukāo

    baiThne ke nahīñ qābil ye sarā-e-vīrāñ

    yaañ se toshe ke uThāne ke evaz naav uThāo

    maiñ huuñ maḳhmūr mujhe taab kahāñ haañ saaqī

    saaf ho durd ho jaldī se jo mil jaa.e to laao

    nahīñ bīmār ko taklīf zyāda dete

    apnī āñkhoñ ko mire sāmne itnā na jhukāo

    dil meñ aa baiThiye aur sair-e-do-ālam kiije

    hai bahut duur us manzil-e-vīrāñ se dikhāo

    muñh se gar baat nikal jaa.e to aafat aa jaa.e

    jo kahīñ chupke sune jaao zabāñ ko na hilāo

    maiñ kahāñ aur kahāñ raat aanā par haañ

    tere ghar se to bahut ġhair ke ghar hai lagāo

    ukhḌe jaate haiñ qadam dekh vahāñ rañgat

    apnā is dar pe huā hai na kabhī hogā jamāv

    dil ābādī ab fikr hai bilkul nāhaq

    ab to yaañ roz hotā hai sipah-e-ġham paḌāv

    ba.ad ik umr ke gar arz-e-tamannā kiije

    vo bigaḌ kar yahī kahte haiñ ki bāteñ na banāo

    garche ye jhuuT fasānā hai vale hai dilchasp

    kahte haiñ apnī kahānī mujhe tum roz sunāo

    huuñ agar us ke evaz nīm-nigah ḳhvāhāñ

    hañs ke kahte haiñ ki kuchh qīmat-e-dil aur ghatāo

    avval-e-ishq hai dil kab hai samajhne vaalā

    abhī zoroñ pe hai is bahr par aafat chaḌhāo

    haal bhī kahte agar hosh Thikāne hote

    yaañ to hairat hai ki tum aur mujhe pūchhne aao

    dam nikalne alam kis se sahā jaatā hai

    harf tum jaane ai jaan zabāñ pe na laao

    un ko to pās-e-mohabbat nahīñ aslan lekin

    nibh sake tum se agar hazrat-e-dil aur nibhāo

    zaḳhm-e-hijrāñ nahīñ aur to duniyā meñ davā

    mundamil vasl ke marham se to hotā hai ye ghaav

    kab use dīda-e-tar dāva-e-ham-chashmī hai

    aaTh aaTh aañsū na tum abr-e-bahārī ko rulāo

    un ke aane ke tasavvur meñ yahī kahtā huuñ

    ai shab-e-va.ada na ho sub.h vo karte haiñ banāv

    vaañ khapat nahīñ kyā jins-e-vafā le jaa.eñ

    un sarkār meñ ik jaur-o-sitam hai banāv

    ab ho 'majrūh' mohabbat se bahut ghabrāte

    ham to pahle ye kahte the ki dil ko na lagāo

    is ke jo jo ki fawaed hain KHud dekhte jao

    sach kaha hai ye kisi ne ki piyo aur pilao

    zabt sarkar mein hone ke liye chhoD na jao

    KHub hi khao zar-o-mal ko aur KHub uDao

    tum mein aur ghair mein jo shab ko hui hai sohbat

    KHud kahe deta hai wo aap ki aankhon ka jhukao

    baiThne ke nahin qabil ye sara-e-viran

    yan se toshe ke uThane ke ewaz naw uThao

    main hun maKHmur mujhe tab kahan han saqi

    saf ho durd ho jaldi se jo mil jae to lao

    nahin bimar ko taklif zyaada dete

    apni aankhon ko mere samne itna na jhukao

    dil mein aa baiThiye aur sair-e-do-alam kije

    hai bahut dur ka us manzil-e-viran se dikhao

    munh se gar baat nikal jae to aafat aa jae

    jo kahin chupke sune jao zaban ko na hilao

    main kahan aur kahan raat ka aana par han

    tere ghar se to bahut ghair ke ghar ka hai lagao

    ukhDe jate hain qadam dekh wahan ki rangat

    apna is dar pe hua hai na kabhi hoga jamaw

    dil ki aabaadi ki ab fikr hai bilkul nahaq

    ab to yan roz hi hota hai sipah-e-gham ka paDaw

    baad ek umr ke gar arz-e-tamanna kije

    wo bigaD kar yahi kahte hain ki baaten na banao

    garche ye jhuT fasana hai wale hai dilchasp

    kahte hain apni kahani mujhe tum roz sunao

    hun agar us ke ewaz nim-nigah ka KHwahan

    hans ke kahte hain ki kuchh qimat-e-dil aur ghatao

    awwal-e-ishq hai dil kab hai samajhne wala

    abhi zoron pe hai is bahr par aafat ka chaDhao

    haal bhi kahte agar hosh Thikane hote

    yan to hairat hai ki tum aur mujhe puchhne aao

    dam nikalne ka alam kis se saha jata hai

    harf tum jaane ka ai jaan zaban hi pe na lao

    un ko to pas-e-mohabbat nahin aslan lekin

    nibh sake tum se agar hazrat-e-dil aur nibhao

    zaKHm-e-hijran ki nahin aur to duniya mein dawa

    mundamil wasl ke marham se to hota hai ye ghaw

    kab use dida-e-tar dawa-e-ham-chashmi hai

    aaTh aaTh aansu na tum abr-e-bahaari ko rulao

    un ke aane ke tasawwur mein yahi kahta hun

    ai shab-e-wada na ho subh wo karte hain banaw

    wan khapat hi nahin kya jins-e-wafa le jaen

    un ki sarkar mein ek jaur-o-sitam ka hai banaw

    ab ho 'majruh' mohabbat se bahut ghabraate

    hum to pahle hi ye kahte the ki dil ko na lagao

    Source:

    Deewan-e-Majrooh (Pg. e-319 p-246)

    • Author: Meer Mehdi Majrooh
      • Edition: 1978
      • Publisher: Sarfaraz Press, Delhi
      • Year of Publication: 1898
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now