is mein aks aap ka utarenge

is meñ 'aks aap kā utāreñge

dil ko apne yuuñ hiiñ sañvāreñge

ham se kartī hai ye bahut ġhamze

ham bhī duniyā pe laat māreñge

rizq-e-maqsūm hī milegā use

koī duniyā meñ dauḌe yā reñge

'ishq kahtā hai lutf hoñge baḌe

hijr kahtā hai jaan māreñge

dil kī afsurdagī na jā.egī

haañ vo chāheñge to ubhāreñge

dil na dūñgā maiñ aap ko hargiz

muft meñ aap jaan māreñge

pand 'akbar' ko deñge kyā nāseh

gul ko kyā bāġhbāñ sañvāreñge

is mein 'aks aap ka utarenge

dil ko apne yun hin sanwarenge

hum se karti hai ye bahut ghamze

hum bhi duniya pe lat marenge

rizq-e-maqsum hi milega use

koi duniya mein dauDe ya renge

'ishq kahta hai lutf honge baDe

hijr kahta hai jaan marenge

dil ki afsurdagi na jaegi

han wo chahenge to ubhaarenge

dil na dunga main aap ko hargiz

muft mein aap jaan marenge

pand 'akbar' ko denge kya naseh

gul ko kya baghban sanwarenge