is qadar mahw-e-tasawwur hun sitamgar tera

Farogh Hyderabadi

is qadar mahw-e-tasawwur hun sitamgar tera

Farogh Hyderabadi

MORE BYFarogh Hyderabadi

    is qadar mahv-e-tasavvur huuñ sitamgar terā

    mujh ko ġhurbat meñ nazar aane lagā ghar terā

    nashsha-e-mai bujhī pyaas na kuchh bhī afsos

    naam sunte the baḌā chashma-e-kausar terā

    apne pāmālī-e-dil mujhe afsos nahīñ

    dekh zālim na bigaḌ jaa.e kahīñ ghar terā

    vo bhī haiñ log jo ham-bazm rahā karte the

    ham to jiite haiñ faqat naam le kar terā

    jalva-e-tūr ko kuchh us nazar se bhāñpā

    jis ne dekhā hai jamāl-e-ruḳh-e-anvar terā

    zindagī us nasīb us ke haiñ rāteñ us

    jis ko ho jalva-e-dīdār mayassar terā

    ham ne koshish to bahut thī use laane

    ai 'faroġh'-e-jigar-afgār muqaddar terā

    is qadar mahw-e-tasawwur hun sitamgar tera

    mujh ko ghurbat mein nazar aane laga ghar tera

    nashsha-e-mai ki bujhi pyas na kuchh bhi afsos

    nam sunte the baDa chashma-e-kausar tera

    apne pamali-e-dil ka mujhe afsos nahin

    dekh zalim na bigaD jae kahin ghar tera

    wo bhi hain log jo ham-bazm raha karte the

    hum to jite hain faqat nam hi le kar tera

    jalwa-e-tur ko kuchh us ki nazar se bhanpa

    jis ne dekha hai jamal-e-ruKH-e-anwar tera

    zindagi us ki nasib us ke hain raaten us ki

    jis ko ho jalwa-e-didar mayassar tera

    hum ne koshish to bahut ki thi use lane ki

    ai 'farogh'-e-jigar-afgar muqaddar tera

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY