is tarah hum ko ja-ba-ja kije

is tarah ham ko jā-ba-jā kiije

apnī yādoñ meñ mubtalā kiije

sab hī matlab ke yaar haiñ jānāñ

koī apnā nahīñ hai kyā kiije

ishq vāloñ kī shart aisī hai

apnī sūrat ko chāñd sā kiije

phone par baat ḳhuub kar lī hai

ab to milne kā hausla kiije

koī to hal zarūr niklegā

talḳh mauzūa pe mashvara kiije

zindagī kahte ik tamāshā hai

apnā kirdār bas adā kiije

ham ne bas ik umiid bāñdhī hai

kam se kam aap kuchh nayā kiije

mil ke hijr-o-visāl sahnā hai

ham-safar apnā ham-navā kiije

apnā mafhūm aap ko dūñgā

aap bas sher kah diyā kiije

is tarah hum ko ja-ba-ja kije

apni yaadon mein mubtala kije

sab hi matlab ke yar hain jaanan

koi apna nahin hai kya kije

ishq walon ki shart aisi hai

apni surat ko chand sa kije

phone par baat KHub kar li hai

ab to milne ka hausla kije

koi to hal zarur niklega

talKH mauzua pe mashwara kije

zindagi kahte ek tamasha hai

apna kirdar bas ada kije

hum ne bas ek umid bandhi hai

kam se kam aap kuchh naya kije

mil ke hijr-o-visal sahna hai

ham-safar apna ham-nawa kije

apna mafhum aap ko dunga

aap bas sher kah diya kije