is tarah ji raha hun tere aastan se dur

Talib Jaipuri

is tarah ji raha hun tere aastan se dur

Talib Jaipuri

MORE BYTalib Jaipuri

    is tarah rahā huuñ tire āstāñ se duur

    jaise ho andalīb gul-o-gulsitāñ se duur

    kis tarah rahe haiñ qafas meñ na pochhiye

    dil āshiyāna meñ hai nazar āshiyāñ se duur

    sho.aloñ se khelne salīqa na ho jinheñ

    vo āshiyāñ banā.eñ kahīñ gulistāñ se duur

    gum-karda-rāh ban ga.e jab mīr-e-kārvāñ

    jo rāhbar the rahne lage kārvāñ se duur

    rahtā zamāna terī haqīqat se be-ḳhabar

    rahtī mirī jabīñ jo tire āstāñ se duur

    ai ham-nashīñ hazār kushāda zamīñ sahī

    jaa.eñ bhī ham to jaa.eñ kahāñ āsmāñ se duur

    ik mehrbāñ mile the bahut din baat hai

    rahne lagā huuñ jab se har ik mehrbāñ se duur

    ḳhāshāk-e-āshiyāñ meñ bhī haiñ bijliyāñ nihāñ

    ai barq-e-be-qarār zarā āshiyāñ se duur

    phūloñ ko haath bhī na lagā paa.e umr bhar

    ham gulsitāñ meñ rah ke rahe gulsitāñ se duur

    'tālib' unhīñ ke dam se hai tauqīr-e-zindagī

    rakhte haiñ apne sar ko jo har āstāñ se duur

    is tarah ji raha hun tere aastan se dur

    jaise ho andalib gul-o-gulsitan se dur

    kis tarah ji rahe hain qafas mein na pochhiye

    dil aashiyana mein hai nazar aashiyan se dur

    shoalon se khelne ka saliqa na ho jinhen

    wo aashiyan banaen kahin gulistan se dur

    gum-karda-rah ban gae jab mir-e-karwan

    jo rahbar the rahne lage karwan se dur

    rahta zamana teri haqiqat se be-KHabar

    rahti meri jabin jo tere aastan se dur

    ai ham-nashin hazar kushada zamin sahi

    jaen bhi hum to jaen kahan aasman se dur

    ek mehrban mile the bahut din ki baat hai

    rahne laga hun jab se har ek mehrban se dur

    KHashak-e-ashiyan mein bhi hain bijliyan nihan

    ai barq-e-be-qarar zara aashiyan se dur

    phulon ko hath bhi na laga pae umr bhar

    hum gulsitan mein rah ke rahe gulsitan se dur

    'talib' unhin ke dam se hai tauqir-e-zindagi

    rakhte hain apne sar ko jo har aastan se dur

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY