is tarh zindagi ko guzara karenge hum

is tarh zindagī ko guzārā kareñge ham

har saañs par tumhīñ ko pukārā kareñge ham

tanhā na hone deñge kabhī apne aap ko

yādoñ ko zindagī kā sahārā kareñge ham

dīdār karnā apne darīche se jhāñk kar

ḳhud ko tirī galī se guzārā kareñge ham

jab 'ishq ho gayā hai to kis baat kā gila

terā har ek zulm gavāra kareñge ham

tum e'timād-e-'āfī' ko mat karnā munhadim

mushkil paḌī to tum ko pukārā kareñge ham

is tarh zindagi ko guzara karenge hum

har sans par tumhin ko pukara karenge hum

tanha na hone denge kabhi apne aap ko

yaadon ko zindagi ka sahaara karenge hum

didar karna apne dariche se jhank kar

KHud ko teri gali se guzara karenge hum

jab 'ishq ho gaya hai to kis baat ka gila

tera har ek zulm gawara karenge hum

tum e'timad-e-'afi' ko mat karna munhadim

mushkil paDi to tum ko pukara karenge hum