ishq ka dip har ek dil mein jalao jaanan

'ishq kā diip har ik dil meñ jalāo jānāñ

husn aur 'ishq kī tafsīr batāo jānāñ

tum ko dīvāngī kyā hai ye samajhnā ho agar

tum bhī majzūb kī dahlīz pe jaao jānāñ

husn ko un ke faqat husn samajhte ho tum

pahle duniyā meñ koī misl to laao jānāñ

mujh se milne kī tamannā hai to aa kar mil lo

naaz naḳhre na mujhe aise dikhāo jānāñ

bas sharaf diid kā ik baar 'ināyat kar do

is qadar ab na mire dil ko satāo jānāñ

gar tumheñ ziist meñ taklīf nahīñ chāhiye to

tum kisī se bhī yahāñ dil na lagāo jānāñ

aa ga.e haiñ agar 'ashraf' to ye kah do un se

phir koī taaza ġhazal likh ke sunāo jānāñ

'ishq ka dip har ek dil mein jalao jaanan

husn aur 'ishq ki tafsir batao jaanan

tum ko diwangi kya hai ye samajhna ho agar

tum bhi majzub ki dahliz pe jao jaanan

husn ko un ke faqat husn samajhte ho tum

pahle duniya mein koi misl to lao jaanan

mujh se milne ki tamanna hai to aa kar mil lo

naz naKHre na mujhe aise dikhao jaanan

bas sharaf did ka ek bar 'inayat kar do

is qadar ab na mere dil ko satao jaanan

gar tumhein zist mein taklif nahin chahiye to

tum kisi se bhi yahan dil na lagao jaanan

aa gae hain agar 'ashraf' to ye kah do un se

phir koi taza ghazal likh ke sunao jaanan