ishq ki aag mein ab shama sa jal jaunga

ishq kī aag meñ ab sham.a sā jal jā.ūñgā

tujh lagan biich qadam gaaḌ na Tal jā.ūñgā

gar dam-e-teġh se sau baar kaTegī gardan

apnī sābit-qadamī sete sambhal jā.ūñgā

maiñ vo jāñ-bāz o havāla huuñ patiñge kī tarah

sham.a-rū tere upar jaan se jal jā.ūñgā

shajar-e-mom sā huuñ ālam-e-mauhūm ke biich

mehrbāñ garam-nigāhī se pighal jā.ūñgā

ḳhaak uḌātā huā hastī ke ta.iiñ de barbād

sar-ba-sahrā huuñ bagūle sā nikal jā.ūñgā

tere kūche kī taraf azm kiyā huuñ jānāñ

āḳhirash yak do qadam sar se bhī chal jā.ūñgā

chashm-e-bad-mast ko gardish meñ jo laave saaqī

abhī do jaam meñ sarshār ho chal jā.ūñgā

'ishq' hai baal se bārīk sirāt-e-mahshar

yā-'alī' kah ke tabhī us pe sambhal jā.ūñgā

ishq ki aag mein ab shama sa jal jaunga

tujh lagan bich qadam gaD na Tal jaunga

gar dam-e-tegh se sau bar kaTegi gardan

apni sabit-qadami sete sambhal jaunga

main wo jaan-baz o hawala hun patinge ki tarah

shama-ru tere upar jaan se jal jaunga

shajar-e-mom sa hun aalam-e-mauhum ke bich

mehrban garam-nigahi se pighal jaunga

KHak uData hua hasti ke tain de barbaad

sar-ba-sahra hun bagule sa nikal jaunga

tere kuche ki taraf azm kiya hun jaanan

aaKHirash yak do qadam sar se bhi chal jaunga

chashm-e-bad-mast ko gardish mein jo lawe saqi

abhi do jam mein sarshaar ho chal jaunga

'ishq' hai baal se barik siraat-e-mahshar

ya-'ali' kah ke tabhi us pe sambhal jaunga