عشق کی ایسی شان تو ہوگی
اس سے تری پہچان تو ہوگی
گاؤں کی لڑکی کا کیا کہنا
کچھ نہیں وہ انسان تو ہوگی
اس کے نگر میں دل کے لیے کچھ
صورت اطمینان تو ہوگی
کچھ بھی کہہ لو دل کی خلش کو
زیست کا یہ عنوان تو ہوگی
دار و رسن کے افسانوں میں
کیف نہ ہوگا جان تو ہوگی
زیر لب وہ موج تبسم
میرے لیے طوفان تو ہوگی
ہنستی ہوئی وہ چشم سخن گو
اہل دل کی جان تو ہوگی
رمزؔ وہ کافر زلف معطر
دل کا مرے ایمان تو ہوگی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
