عشق کی بارگاہ تک پہنچا
عشق کی بارگاہ تک پہنچا
حسن جائے پناہ تک پہنچا
دل کے ہاتھوں وہ شوخ بھی آخر
میرے حال تباہ تک پہنچا
اب تو اترا ہوں ترک الفت پر
درد فکر و نگاہ تک پہنچا
عاصیوں سے ہے مجتنب واعظ
زہد حد گناہ تک پہنچا
تیشۂ کوہکن کا وار آخر
سطوت کج کلاہ تک پہنچا
جب بھی تخریب دیں کی بات چلی
سلسلہ خانقاہ تک پہنچا
ڈھونڈ کر حشر میں کرم اس کا
میرے فرد سیاہ تک پہنچا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
