ishq ki dhup mein hum to jalte rahe

ishq kī dhuup meñ ham to jalte rahe

aable paḌ ga.e phir bhī chalte rahe

ik charāġh-e-mohabbat jalā thā kahīñ

sham.a kī tarah ham bhī pighalte rahe

be-hijābāna mahfil meñ vo aa ga.e

aur divānoñ ke armāñ machalte rahe

tang-hālī meñ puure nahīñ ho sake

ḳhvāb muflis kī āñkhoñ meñ palte rahe

intihā ho ga.ī vahshiyoñ kī yahāñ

kitnī ma.asūm kaliyāñ masalte rahe

sādgī hī hamārī sabab ban ga.ī

mere apne hī sab mujh ko chhalte rahe

ishq ne itnā be-bas hameñ kar diyā

jhūTe va.adoñ se un ke bahalte rahe

ishq ki dhup mein hum to jalte rahe

aable paD gae phir bhi chalte rahe

ek charagh-e-mohabbat jala tha kahin

shama ki tarah hum bhi pighalte rahe

be-hijabana mahfil mein wo aa gae

aur diwanon ke arman machalte rahe

tang-haali mein pure nahin ho sake

KHwab muflis ki aankhon mein palte rahe

intiha ho gai wahshiyon ki yahan

kitni masum kaliyan masalte rahe

sadgi hi hamari sabab ban gai

mere apne hi sab mujh ko chhalte rahe

ishq ne itna be-bas hamein kar diya

jhuTe wadon se un ke bahalte rahe