ishq mein hijr ke sadme bhi uThae nahin hain
ishq meñ hijr ke sadme bhī uThā.e nahīñ haiñ
apnī marzī se to ham dasht meñ aa.e nahīñ haiñ
apnā kaasa bhī tahī apnā kadū bhī ḳhālī
dāġh-e-dīdār-o-havas dil pe lagā.e nahīñ haiñ
ham se māyūs na ho sham-e-shabistān-e-ḳhayāl
ham abhī ḳhaak ke siine meñ samā.e nahīñ haiñ
ab kisī samt se ḳhushbū nahīñ aatī ham tak
kāġhzī phuul bhī tāqoñ meñ sajā.e nahīñ haiñ
ik dukāñ khol ke bāzār kā ruḳh dekhnā hai
abhī aa.iin tijārat ke banā.e nahīñ haiñ
hurmat-e-harf kī tafsīr banāne vaalo
ham kisī aur sitāre se to aa.e nahīñ haiñ
ishq mein hijr ke sadme bhi uThae nahin hain
apni marzi se to hum dasht mein aae nahin hain
apna kasa bhi tahi apna kadu bhi KHali
dagh-e-didar-o-hawas dil pe lagae nahin hain
hum se mayus na ho sham-e-shabistan-e-KHayal
hum abhi KHak ke sine mein samae nahin hain
ab kisi samt se KHushbu nahin aati hum tak
kaghzi phul bhi taqon mein sajae nahin hain
ek dukan khol ke bazar ka ruKH dekhna hai
abhi aain tijarat ke banae nahin hain
hurmat-e-harf ki tafsir banane walo
hum kisi aur sitare se to aae nahin hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.