ishq mein ho ke mubtila dil ne kamal kar diya

ishq meñ ho ke mubtilā dil ne kamāl kar diyā

yuuñ hī sī ek shakl ko zohra jamāl kar diyā

ham ko tumhārī bazm se uThne kā kuchh qalaq nahīñ

jaisā ḳhayāl ho sakā vaisā ḳhayāl kar diyā

sail-e-ravān-e-umr ke aage Thahar sakā na kuchh

vaqt ne mehr-e-husn ko rū-ba-zavāl kar diyā

ek sam-e-azāb sā phail gayā vajūd meñ

roz-o-shab-e-firāq ne jiinā muhāl kar diyā

merī zabān-e-ḳhushk par ret kā zā.iqa sā hai

mausam-e-bar-shigāl ne kaisā ye haal kar diyā

dhund meñ kho ke rah ga.iiñ sūrateñ mehr-o-māh sī

vaqt kī gard ne unheñ ḳhvāb-o-ḳhayāl kar diyā

ishq mein ho ke mubtila dil ne kamal kar diya

yun hi si ek shakl ko zohra jamal kar diya

hum ko tumhaari bazm se uThne ka kuchh qalaq nahin

jaisa KHayal ho saka waisa KHayal kar diya

sail-e-rawan-e-umr ke aage Thahar saka na kuchh

waqt ne mehr-e-husn ko ru-ba-zawal kar diya

ek sam-e-azab sa phail gaya wajud mein

roz-o-shab-e-firaq ne jina muhaal kar diya

meri zaban-e-KHushk par ret ka zaiqa sa hai

mausam-e-bar-shigal ne kaisa ye haal kar diya

dhund mein kho ke rah gain suraten mehr-o-mah si

waqt ki gard ne unhen KHwab-o-KHayal kar diya