ishq mein kuchh is tarah diwangi chhai ki bas

Syed Mubeen Alvi Khairabadi

ishq mein kuchh is tarah diwangi chhai ki bas

Syed Mubeen Alvi Khairabadi

MORE BYSyed Mubeen Alvi Khairabadi

    ishq meñ kuchh is tarah dīvāngī chhā.ī ki bas

    kūcha-e-arbāb-e-dil se ye sadā aa.ī ki bas

    jab qadam dīvāngī had se aage baḌh ga.e

    dekhne vāloñ ko mujh par vo hañsī aa.ī ki bas

    bū-e-mushkīñ muskurā.ī phuul ḳhushbū le uḌe

    us sarāpā-nāz yuuñ zulf lahrā.ī ki bas

    dekh kar vo bāñkpan vo husn vo rañgīñ shabāb

    dil hasrat ne bhī āḳhir vo añgḌā.ī ki bas

    ham se kuchh bhī ho na paa.ī ehtiyāt-e-dilbarī

    apnī kotāhī pe aisī aañkh sharmā.ī ki bas

    le ke sāġhar haath meñ ham chal paḌe jab ai 'mubīn'

    mai-kade meñ ik fazā kuchh aisī lahrā.ī ki bas

    ishq mein kuchh is tarah diwangi chhai ki bas

    kucha-e-arbab-e-dil se ye sada aai ki bas

    jab qadam diwangi ki had se aage baDh gae

    dekhne walon ko mujh par wo hansi aai ki bas

    bu-e-mushkin muskurai phul KHushbu le uDe

    us sarapa-naz ki yun zulf lahrai ki bas

    dekh kar wo bankpan wo husn wo rangin shabab

    dil ki hasrat ne bhi aaKHir li wo angDai ki bas

    hum se kuchh bhi ho na pai ehtiyat-e-dilbari

    apni kotahi pe aisi aankh sharmai ki bas

    le ke saghar hath mein hum chal paDe jab ai 'mubin'

    mai-kade mein ek faza kuchh aisi lahrai ki bas

    Source:

    • Book : Pirahn-e-harf (Pg. 90)
    • Author : Mubeen Alvi Khairabadi
    • Publication : Mubeen Alvi Khairabadi (1999)
    • Edition : 1999
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY