ishq mein majnun-o-farhad nahin hone ke

Nusrat Mehdi

ishq mein majnun-o-farhad nahin hone ke

Nusrat Mehdi

MORE BYNusrat Mehdi

    ishq meñ majnūñ-o-farhād nahīñ hone ke

    ye na.e log haiñ barbād nahīñ hone ke

    ye jo da.ave haiñ mohabbat ke abhī haiñ jānāñ

    aur do-chār baras baad nahīñ hone ke

    kyā kahā toḌ ke lāoge falak se taare

    dekho in bātoñ se ham shaad nahīñ hone ke

    naqsh haiñ dil pe mire ab bhī tumhāre va.ade

    ḳhair chhoḌo vo tumheñ yaad nahīñ hone ke

    ghar liye phirtī huuñ har vaqt tumhāre pīchhe

    tum magar vo ho ki ābād nahīñ hone ke

    man.a hai rasm-o-rivājoñ se baġhāvat karnā

    ye sabaq mujh ko magar yaad nahīñ hone ke

    ham ne ḳhud pahnī hai 'nusrat' ye vafā zanjīr

    ham to ḳhud kabhī āzād nahīñ hone ke

    ishq mein majnun-o-farhad nahin hone ke

    ye nae log hain barbaad nahin hone ke

    ye jo dawe hain mohabbat ke abhi hain jaanan

    aur do-chaar baras baad nahin hone ke

    kya kaha toD ke laoge falak se tare

    dekho in baaton se hum shad nahin hone ke

    naqsh hain dil pe mere ab bhi tumhaare wade

    KHair chhoDo wo tumhein yaad nahin hone ke

    ghar liye phirti hun har waqt tumhaare pichhe

    tum magar wo ho ki aabaad nahin hone ke

    mana hai rasm-o-riwajon se baghawat karna

    ye sabaq mujh ko magar yaad nahin hone ke

    hum ne KHud pahni hai 'nusrat' ye wafa ki zanjir

    hum to KHud hi kabhi aazad nahin hone ke

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY