ishq mein zabt-e-fughan darkar hai

Ameer Chand Bahar

ishq mein zabt-e-fughan darkar hai

Ameer Chand Bahar

MORE BYAmeer Chand Bahar

    ishq meñ zabt-e-fuġhāñ darkār hai

    be-zabānī zabāñ darkār hai

    dair-o-ka.aba se nahīñ koī ġharaz

    mujh ko terā āstāñ darkār hai

    vahshat-e-dil ho koī to ilaaj

    sohbat-e-pīr-e-muġhāñ darkār hai

    mere dil samt vo nazreñ uThīñ

    bijliyoñ ko āshiyāñ darkār hai

    shauq se aa kar mire dil meñ raheñ

    aap ko ḳhālī makāñ darkār hai

    in ghanī zulfoñ saaya kījiye

    dhuup meñ ik sā.ebāñ darkār hai

    maiñ isī duniyā ko kahtā huuñ bahisht

    shaiḳh ko bāġh-e-jināñ darkār hai

    vārdāt-e-qalb hai mujh ko aziiz

    aap ko husn-e-bayāñ darkār hai

    rāz-e-dil kis par karūñ maiñ āshkār

    koī dil rāzdāñ darkār hai

    nā-shanāsān-e-adab mere harīf

    sohbat-e-dānish-varāñ darkār hai

    zindagī se ho gayā hai dil uchāT

    phir hadīs-e-dil-barāñ darkār hai

    hāsidoñ meñ ghir gayā huuñ ai 'bahār'

    fikr-o-fan qadr-dāñ darkār hai

    ishq mein zabt-e-fughan darkar hai

    be-zabani ki zaban darkar hai

    dair-o-kaba se nahin koi gharaz

    mujh ko tera aastan darkar hai

    wahshat-e-dil ka ho koi to ilaj

    sohbat-e-pir-e-mughan darkar hai

    mere dil ki samt wo nazren uThin

    bijliyon ko aashiyan darkar hai

    shauq se aa kar mere dil mein rahen

    aap ko KHali makan darkar hai

    in ghani zulfon ka saya kijiye

    dhup mein ek saeban darkar hai

    main isi duniya ko kahta hun bahisht

    shaiKH ko bagh-e-jinan darkar hai

    wardat-e-qalb hai mujh ko aziz

    aap ko husn-e-bayan darkar hai

    raaz-e-dil kis par karun main aashkar

    koi dil ka raazdan darkar hai

    na-shanasan-e-adab mere harif

    sohbat-e-danish-waran darkar hai

    zindagi se ho gaya hai dil uchaT

    phir hadis-e-dil-baran darkar hai

    hasidon mein ghir gaya hun ai 'bahaar'

    fikr-o-fan ka qadr-dan darkar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY