aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ishq mein zillat hui KHiffat hui tohmat hui

Meer Taqi Meer

ishq mein zillat hui KHiffat hui tohmat hui

Meer Taqi Meer

MORE BYMeer Taqi Meer

    ishq meñ zillat huī ḳhiffat huī tohmat huī

    āḳhir āḳhir jaan yāroñ ne ye sohbat huī

    aks us be-dīd to muttasil paḌtā thā sub.h

    din chaḌhe kyā jānūñ ā.īne kyā sūrat huī

    lauh-e-sīna par mirī sau neza-e-ḳhattī lage

    ḳhastagī is dil-shikasta isī bābat huī

    kholte āñkheñ phir yaañ mūñdnī ham ko paḌīñ

    diid kyā koī kare vo kis qadar mohlat huī

    paañv merā kalba-e-ahzāñ meñ ab rahtā nahīñ

    rafta rafta us taraf jaane mujh ko lat huī

    mar gayā āvāra ho kar maiñ to jaise gard-bād

    par jise ye vāqi.a pahuñchā use vahshat huī

    shaad o ḳhush-tāle koī hogā kisū ko chaah kar

    maiñ to kulfat meñ rahā jab se mujhe ulfat huī

    dil jaanā aaj kal taaza huā ho to kahūñ

    guzre us bhī sānahe ko ham-nashīñ muddat huī

    shauq-e-dil ham nā-tavānoñ likhā jaatā hai kab

    ab talak aaphī pahuñchne agar tāqat huī

    kyā kaf-e-dast ek maidāñ thā bayābāñ ishq

    jaan se jab us meñ guzre tab hameñ rāhat huī

    yuuñ to ham ājiz-tarīn-e-ḳhalq-e-ālam haiñ vale

    dekhiyo qudrat ḳhudā gar hameñ qudrat huī

    gosh zad chaT-paT marnā ishq meñ apne huā

    kis ko is bīmāri-e-jāñkāh se fursat huī

    be-zabāñ jo kahte haiñ mujh ko so chup rah jā.eñge

    mārke meñ hashr ke gar baat ruḳhsat huī

    ham na kahte the ki naqsh us nahīñ naqqāsh sahl

    chāñd saarā lag gayā tab nīm-ruḳh sūrat huī

    is ġhazal par shaam se to sūfiyoñ ko vajd thā

    phir nahīñ ma.alūm kuchh majlis kyā hālat huī

    kam kisū ko 'mīr' mayyat haath aa.ī namāz

    na.ash par us be-sar-o-pā balā kasrat huī

    ishq mein zillat hui KHiffat hui tohmat hui

    aaKHir aaKHir jaan di yaron ne ye sohbat hui

    aks us be-did ka to muttasil paDta tha subh

    din chaDhe kya jaanun aaine ki kya surat hui

    lauh-e-sina par meri sau neza-e-KHatti lage

    KHastagi is dil-shikasta ki isi babat hui

    kholte hi aankhen phir yan mundni hum ko paDin

    did kya koi kare wo kis qadar mohlat hui

    panw mera kalba-e-ahzan mein ab rahta nahin

    rafta rafta us taraf jaane ki mujh ko lat hui

    mar gaya aawara ho kar main to jaise gard-baad

    par jise ye waqia pahuncha use wahshat hui

    shad o KHush-tale koi hoga kisu ko chah kar

    main to kulfat mein raha jab se mujhe ulfat hui

    dil ka jaana aaj kal taza hua ho to kahun

    guzre us bhi sanahe ko ham-nashin muddat hui

    shauq-e-dil hum na-tawanon ka likha jata hai kab

    ab talak aaphi pahunchne ki agar taqat hui

    kya kaf-e-dast ek maidan tha bayaban ishq ka

    jaan se jab us mein guzre tab hamein rahat hui

    yun to hum aajiz-tarin-e-KHalq-e-alam hain wale

    dekhiyo qudrat KHuda ki gar hamein qudrat hui

    gosh zad chaT-paT hi marna ishq mein apne hua

    kis ko is bimari-e-jaankah se fursat hui

    be-zaban jo kahte hain mujh ko so chup rah jaenge

    marke mein hashr ke gar baat ki ruKHsat hui

    hum na kahte the ki naqsh us ka nahin naqqash sahl

    chand sara lag gaya tab nim-ruKH surat hui

    is ghazal par sham se to sufiyon ko wajd tha

    phir nahin malum kuchh majlis ki kya haalat hui

    kam kisu ko 'mir' ki mayyat ki hath aai namaz

    nash par us be-sar-o-pa ki bala kasrat hui

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now