aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ishq ne hum ko junun-asar aisa kar diya

Pirzada Qasim

ishq ne hum ko junun-asar aisa kar diya

Pirzada Qasim

MORE BYPirzada Qasim

    ishq ne ham ko junūñ-āsār aisā kar diyā

    basta-e-sāhil bhī rakkhā aur dariyā kar diyā

    is gulistān-e-gumāñ meñ ham bhī the mānind-e-ḳhvāb

    garmī-e-andesha ne ham ko bhī sahrā kar diyā

    dīda-e-ḳhush-bīñ ye e.ajāz-farmā.ī to dekh

    kaise mub.ham ḳhāl-o-ḳhat ko ek chehrā kar diyā

    ye jahāñ pinhāñ thā ik be-manzarī ḳhaak meñ

    ham ne chashm-e-shauq se dekhā to duniyā kar diyā

    ruashnī-e-tab.a ne raushan kiyā hai ik jahāñ

    aur mujhe is ā.ina-ḳhāne meñ tanhā kar diyā

    jab kabhī shab-zād lamhe gherne aa.e hameñ

    ham ne sham-e-jāñ jalā.ī aur saverā kar diyā

    ye karāmat bhī ajab us masīhā.ī meñ hai

    jo ba-zāhir bhar diyā vo zaḳhm gahrā kar diyā

    muntazir thā vaqt so ham ne ba-andāz-e-suḳhan

    aarzū ik jahān-e-tāza paidā kar diyā

    ishq ne hum ko junun-asar aisa kar diya

    basta-e-sahil bhi rakkha aur dariya kar diya

    is gulistan-e-guman mein hum bhi the manind-e-KHwab

    garmi-e-andesha ne hum ko bhi sahra kar diya

    dida-e-KHush-bin ki ye eajaz-farmai to dekh

    kaise mubham KHal-o-KHat ko ek chehra kar diya

    ye jahan pinhan tha ek be-manzari ki KHak mein

    hum ne chashm-e-shauq se dekha to duniya kar diya

    ruashni-e-taba ne raushan kiya hai ek jahan

    aur mujhe is aaina-KHane mein tanha kar diya

    jab kabhi shab-zad lamhe gherne aae hamein

    hum ne sham-e-jaan jalai aur sawera kar diya

    ye karamat bhi ajab us ki masihai mein hai

    jo ba-zahir bhar diya wo zaKHm gahra kar diya

    muntazir tha waqt so hum ne ba-andaz-e-suKHan

    aarzu ka ek jahan-e-taza paida kar diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now