ishq se kaise baz aaen hum ishq to apna dharm hua

ishq se kaise ba.az aa.eñ ham ishq to apnā dharm huā

jis din ishq se naata TuuTā samjho kirya-karm huā

phir yādeñ ghir ghir kar aa.iiñ phir sulge ban zaḳhmoñ ke

phir būñdoñ ne aag lagā.ī phir sāvan sargarm huā

ruup to us ko aisā dete duniyā dekhtī lekin ham

but-sāzī hī chhoḌ chuke the jab vo patthar narm huā

kaise tesha-o-teġh banāte kaise zarb lagāte log

hathkaḌiyāñ thiiñ sab ke hāthoñ meñ jab lohā garm huā

ham shab-zinda-dāroñ kī bīnā.ī bhī thī sharminda

dekh ke apnā chehra sūraj aap bahut be-sharm huā

ishq se kaise baz aaen hum ishq to apna dharm hua

jis din ishq se nata TuTa samjho kirya-karm hua

phir yaaden ghir ghir kar aain phir sulge ban zaKHmon ke

phir bundon ne aag lagai phir sawan sargarm hua

rup to us ko aisa dete duniya dekhti lekin hum

but-sazi hi chhoD chuke the jab wo patthar narm hua

kaise tesha-o-tegh banate kaise zarb lagate log

hathkaDiyan thin sab ke hathon mein jab loha garm hua

hum shab-zinda-daron ki binai bhi thi sharminda

dekh ke apna chehra suraj aap bahut be-sharm hua