ishq to mushkil hai ai dil kaun kahta sahl hai

Bahadur Shah Zafar

ishq to mushkil hai ai dil kaun kahta sahl hai

Bahadur Shah Zafar

MORE BYBahadur Shah Zafar

    ishq to mushkil hai ai dil kaun kahtā sahl hai

    lek nādānī se apnī ne samjhā sahl hai

    gar khule dil girah tujh se to ham jāneñ tujhe

    ai sabā ġhunche uqda khol denā sahl hai

    hamdamo dil ke lagāne meñ kaho lagtā hai kyā

    par chhuḌānā is mushkil hai lagānā sahl hai

    garche mushkil hai bahut merā ilāj-e-dard-e-dil

    par jo chāhe to ai rashk-e-masīhā sahl hai

    hai bahut dushvār marnā ye sunā karte the ham

    par judā.ī meñ tirī ham ne jo dekhā sahl hai

    sham.a ne jal kar jalāyā bazm meñ parvāne ko

    bin jale apne jalānā kyā kisī sahl hai

    ishq rasta sarāsar hai dam-e-shamshīr par

    bul-havas is raah meñ rakhnā qadam kyā sahl hai

    ai 'zafar' kuchh ho sake to fikr kar uqbā

    kar na duniyā taraddud kār-e-duniyā sahl hai

    ishq to mushkil hai ai dil kaun kahta sahl hai

    lek nadani se apni tu ne samjha sahl hai

    gar khule dil ki girah tujh se to hum jaanen tujhe

    ai saba ghunche ka uqda khol dena sahl hai

    hamdamo dil ke lagane mein kaho lagta hai kya

    par chhuDana is ka mushkil hai lagana sahl hai

    garche mushkil hai bahut mera ilaj-e-dard-e-dil

    par jo tu chahe to ai rashk-e-masiha sahl hai

    hai bahut dushwar marna ye suna karte the hum

    par judai mein teri hum ne jo dekha sahl hai

    shama ne jal kar jalaya bazm mein parwane ko

    bin jale apne jalana kya kisi ka sahl hai

    ishq ka rasta sarasar hai dam-e-shamshir par

    bul-hawas is rah mein rakhna qadam kya sahl hai

    ai 'zafar' kuchh ho sake to fikr kar uqba ka tu

    kar na duniya ka taraddud kar-e-duniya sahl hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY