ishq tujhse jo kar gaya hun main

'ishq tujh se jo kar gayā huuñ maiñ

ḳhud meñ kitnā sañvar gayā huuñ maiñ

jis ko chhū kar guzar gayā huuñ maiñ

us kī ḳhushbū se bhar gayā huuñ maiñ

ik khilaunā sā sab ke hāthoñ meñ

bas idhar se udhar gayā huuñ maiñ

vo nahīñ to sharārateñ bhī nahīñ

dekho kitnā sudhar gayā huuñ maiñ

ik mulāqāt kyā huī un se

phir umīdoñ se bhar gayā huuñ maiñ

merī jānib vo dekhte hī rahe

kuchh asar un meñ kar gayā huuñ maiñ

ḳhvāhishoñ ne bahut thakāyā hai

aur bas ab Thahar gayā huuñ maiñ

jab se apne liye lagā jiine

log kahte haiñ mar gayā huuñ meñ

mujh ko yā-rab panāh meñ le le

dukh ke jatthoñ se Dar gayā huuñ maiñ

'ishq tujh se jo kar gaya hun main

KHud mein kitna sanwar gaya hun main

jis ko chhu kar guzar gaya hun main

us ki KHushbu se bhar gaya hun main

ek khilauna sa sab ke hathon mein

bas idhar se udhar gaya hun main

wo nahin to shararaten bhi nahin

dekho kitna sudhar gaya hun main

ek mulaqat kya hui un se

phir umidon se bhar gaya hun main

meri jaanib wo dekhte hi rahe

kuchh asar un mein kar gaya hun main

KHwahishon ne bahut thakaya hai

aur bas ab Thahar gaya hun main

jab se apne liye laga jine

log kahte hain mar gaya hun mein

mujh ko ya-rab panah mein le le

dukh ke jatthon se Dar gaya hun main