ishq wahshi hai jahan dekhega

ishq vahshī hai jahāñ dekhegā

husn ko siine se lipTā legā

ġham agar saath na terā degā

phir tujhe koī nahīñ pūchhegā

jaag uTTheñgī purānī yādeñ

tū magar ḳhvāb-e-girāñ chāhegā

dil meñ tūfān uTheñge lekin

ek pattā bhī nahīñ larzegā

har taraf chhā.egī vo ḳhāmoshī

apnī āvāz se tū chauñkegā

inhī Thahre hue lamhoñ kā ḳhayāl

dil se tūfāñ kī tarah guzregā

na baseñge ye ḳharābe dil ke

koī muḌ kar na idhar dekhegā

ai mire husn-e-gurezāñ kab tak

tū mirī qadr na pahchānegā

mujhe zarra na samajhne vaale

tū sitāroñ meñ mujhe DhūñDegā

mujh se katrā ke guzarne vaale

tū mirī ḳhaak ko bhī chūmegā

ishq wahshi hai jahan dekhega

husn ko sine se lipTa lega

gham agar sath na tera dega

phir tujhe koi nahin puchhega

jag uTThengi purani yaaden

tu magar KHwab-e-giran chahega

dil mein tufan uThenge lekin

ek patta bhi nahin larzega

har taraf chhaegi wo KHamoshi

apni aawaz se tu chaunkega

inhi Thahre hue lamhon ka KHayal

dil se tufan ki tarah guzrega

na basenge ye KHarabe dil ke

koi muD kar na idhar dekhega

ai mere husn-e-gurezan kab tak

tu meri qadr na pahchanega

mujhe zarra na samajhne wale

tu sitaron mein mujhe DhunDega

mujh se katra ke guzarne wale

tu meri KHak ko bhi chumega