ishrat-gah-e-jahan mein tamasha hai chaar-su

ishrat-gah-e-jahāñ meñ tamāsha hai chār-sū

ya.anī fareb-e-dasht-e-tamanna hai chār-sū

naqsh-o-nigār vahshat-e-dil-gīr ke sivā

dāmān-e-gul-farosh meñ aur kyā hai chār-sū

sair-o-tavāf-e-gauhar-e-ranj-o-alam karo

hadd-e-nazar meñ ishq kī duniyā hai chār-sū

sun kar bayān-e-bād-e-sabā ho gayā yaqīn

terī zabān-e-shīrīñ kā charchā hai chār-sū

ik bahr-e-tīrgī ke sivā kyā thī kā.enāt

ab to tirī adāoñ kā jalva hai chār-sū

aurāq āsmāñ ke bhī dekhe haiñ khol kar

ham donoñ hī ke ishq kā qissa hai chār-sū

ik din khilegā ban ke gul-e-inqalāb-e-ishq

merā lahū zamīn pe bikhrā hai chār-sū

sūraj bhī jis kī taab se tharrā ke haT gayā

vo barq zer-e-hastī-e-ashyā hai chār-sū

hai markaz-e-nashāt-e-do-ālam 'nadīm' jī

bachchoñ ne mere naqsha vo khīñchā hai chār-sū

ishrat-gah-e-jahan mein tamasha hai chaar-su

yani fareb-e-dasht-e-tamanna hai chaar-su

naqsh-o-nigar wahshat-e-dil-gir ke siwa

daman-e-gul-farosh mein aur kya hai chaar-su

sair-o-tawaf-e-gauhar-e-ranj-o-alam karo

hadd-e-nazar mein ishq ki duniya hai chaar-su

sun kar bayan-e-baad-e-saba ho gaya yaqin

teri zaban-e-shirin ka charcha hai chaar-su

ek bahr-e-tirgi ke siwa kya thi kaenat

ab to teri adaon ka jalwa hai chaar-su

auraq aasman ke bhi dekhe hain khol kar

hum donon hi ke ishq ka qissa hai chaar-su

ek din khilega ban ke gul-e-inqalab-e-ishq

mera lahu zamin pe bikhra hai chaar-su

suraj bhi jis ki tab se tharra ke haT gaya

wo barq zer-e-hasti-e-ashya hai chaar-su

hai markaz-e-nashat-e-do-alam 'nadim' ji

bachchon ne mere naqsha wo khincha hai chaar-su