ishwa hai naz hai ghamza hai ada hai kya hai

Bayan Ahsanullah Khan

ishwa hai naz hai ghamza hai ada hai kya hai

Bayan Ahsanullah Khan

MORE BYBayan Ahsanullah Khan

    ishva hai naaz hai ġhamza hai adā hai kyā hai

    qahr hai sehr hai jaadū hai balā hai kyā hai

    yaar se merī jo karte haiñ sifārish aġhyār

    makr hai uzr hai qaabū hai daġhā hai kyā hai

    tujh ko kis naam se ai faḳhr mire yaad karūñ

    baap hai piir hai murshid hai ḳhudā hai kyā hai

    tum jo be-vaj.h sunāte ho mirī jaan mujhe

    ḳhuub hai nek hai behtar hai bhalā hai kyā hai

    rū-ba-rū us ke kabhū baat na sudhrī ham se

    hilm hai chain hai dahshat hai hayā hai kyā hai

    nazm ko sun ke mirī hañs ke ye bolā vo shoḳh

    mad.h hai shukr hai shikva hai gila hai kyā hai

    ye jo us shoḳh pe kartā hai 'bayāñ' jaan nisār

    ḳhabt hai ishq hai saudā hai vafā hai kyā hai

    ishwa hai naz hai ghamza hai ada hai kya hai

    qahr hai sehr hai jadu hai bala hai kya hai

    yar se meri jo karte hain sifarish aghyar

    makr hai uzr hai qabu hai dagha hai kya hai

    tujh ko kis nam se ai faKHr mere yaad karun

    bap hai pir hai murshid hai KHuda hai kya hai

    tum jo be-wajh sunate ho meri jaan mujhe

    KHub hai nek hai behtar hai bhala hai kya hai

    ru-ba-ru us ke kabhu baat na sudhri hum se

    hilm hai chain hai dahshat hai haya hai kya hai

    nazm ko sun ke meri hans ke ye bola wo shoKH

    madh hai shukr hai shikwa hai gila hai kya hai

    ye jo us shoKH pe karta hai 'bayan' jaan nisar

    KHabt hai ishq hai sauda hai wafa hai kya hai

    RECITATIONS

    Fasih Akmal

    Fasih Akmal

    Fasih Akmal

    ishwa hai naz hai ghamza hai ada hai kya hai Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY