isi liye to musafir tu sogwar nahin

isī liye to musāfir tū sogvār nahīñ

ki tū ne qāfile dekheñ haiñ par ġhubār nahīñ

nahīñ ye baat nahīñ hai kī tujh se pyaar nahīñ

maiñ kyā karūñ ki mujhe ḳhud pe e.atibār nahīñ

lagā huuñ haath jo tere to ab sañbhāl mujhe

maiñ ek baar hī miltā huuñ baar baar nahīñ

mujhe kuredne vaalo maiñ ek sahrā huuñ

ki mujh se ret hī niklegī ābshār nahīñ

ġhamoñ se rishta banā dostī nibhā un se

dukhoñ ko paal mirī jaan un ko maar nahīñ

mire qubūl pe us ne qubūl kah to diyā

par ek baar kahā us ne tiin baar nahīñ

jahāñ tū bichhḌā vahāñ giit baj rahā thā yahī

mire nasīb meñ ai dost terā pyaar nahīñ

isi liye to musafir tu sogwar nahin

ki tu ne qafile dekhen hain par ghubar nahin

nahin ye baat nahin hai ki tujh se pyar nahin

main kya karun ki mujhe KHud pe eatibar nahin

laga hun hath jo tere to ab sanbhaal mujhe

main ek bar hi milta hun bar bar nahin

mujhe kuredne walo main ek sahra hun

ki mujh se ret hi niklegi aabshaar nahin

ghamon se rishta bana dosti nibha un se

dukhon ko pal meri jaan un ko mar nahin

mere qubul pe us ne qubul kah to diya

par ek bar kaha us ne tin bar nahin

jahan tu bichhDa wahan git baj raha tha yahi

mere nasib mein ai dost tera pyar nahin