itna dushwar nahin ek likhaari hona

itnā dushvār nahīñ ek likhārī honā

shart zinhār kisī vajd kā taarī honā

ik sa'ādat huī burrāq ke shajre ko 'atā

varna lāzim to na thā koī savārī honā

in havāoñ ko maiñ uñglī pe nachā saktā huuñ

mujh pe jachtā nahīñ ai dost madārī honā

shiddat-e-shauq-e-talab ho to koī shart nahīñ

phuul khilne ke liye bād-e-bahārī honā

sang tahlīl hue jumbish-e-abrū se tirī

kuchh baḌī baat nahīñ qalb kā jaarī honā

ḳhūgar-e-sūd-o-ziyāñ vāqif-e-zholīda-girī

hasb-e-mālūf hai mullā kā juārī honā

zarb-e-shamshīr ho yā zarb-e-nigāh-e-momin

donoñ sūrat hai bajā zarbat-e-kārī honā

kulbulātā hai mire dil meñ ye ishkāl kahīñ

ahl-e-tajrīd pe tahkīm kā bhārī honā

kitnī mushkil hai ḳhudā ban ke hama-tan-goshī

kitnā āsāñ hai 'amar' ek pujārī honā

itna dushwar nahin ek likhaari hona

shart zinhaar kisi wajd ka tari hona

ek sa'adat hui burraq ke shajre ko 'ata

warna lazim to na tha koi sawari hona

in hawaon ko main ungli pe nacha sakta hun

mujh pe jachta nahin ai dost madari hona

shiddat-e-shauq-e-talab ho to koi shart nahin

phul khilne ke liye baad-e-bahaari hona

sang tahlil hue jumbish-e-abru se teri

kuchh baDi baat nahin qalb ka jari hona

KHugar-e-sud-o-ziyan waqif-e-zholida-giri

hasb-e-maluf hai mulla ka juari hona

zarb-e-shamshir ho ya zarb-e-nigah-e-momin

donon surat hai baja zarbat-e-kari hona

kulbulata hai mere dil mein ye ishkal kahin

ahl-e-tajrid pe tahkim ka bhaari hona

kitni mushkil hai KHuda ban ke hama-tan-goshi

kitna aasan hai 'amar' ek pujari hona