اتنا دشوار نہیں ایک لکهاری ہونا
اتنا دشوار نہیں ایک لکهاری ہونا
شرط زنہار کسی وجد کا طاری ہونا
اک سعادت ہوئی براق کے شجرے کو عطا
ورنہ لازم تو نہ تھا کوئی سواری ہونا
ان ہواؤں کو میں انگلی پہ نچا سکتا ہوں
مجھ پہ جچتا نہیں اے دوست مداری ہونا
شدت شوق طلب ہو تو کوئی شرط نہیں
پھول کھلنے کے لیے باد بہاری ہونا
سنگ تحلیل ہوئے جنبش ابرو سے تری
کچھ بڑی بات نہیں قلب کا جاری ہونا
خوگر سود و زیاں واقف ژولیدہ گری
حسب مالوف ہے ملا کا جواری ہونا
ضرب شمشیر ہو یا ضرب نگاہ مومن
دونوں صورت ہے بجا ضربت کاری ہونا
کلبلاتا ہے مرے دل میں یہ اشکال کہیں
اہل تجرید پہ تحکیم کا بھاری ہونا
کتنی مشکل ہے خدا بن کے ہمہ تن گوشی
کتنا آساں ہے امرؔ ایک پجاری ہونا
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
