اتنا نہیں نظر کو ہی بھاتا چلا گیا

اتنا نہیں نظر کو ہی بھاتا چلا گیا

وہ شخص میرے دل میں سماتا چلا گیا

میرے قلم نے خاص تو کچھ بھی نہیں کیا

جو سو رہے تھے ان کو جگاتا چلا گیا

لوگوں نے میرا راستہ روکا تھا میں مگر

پانی کی طرح راہ بناتا چلا گیا

یارو کمال ہے کہ وہ میرا نہ بن سکا

لیکن مجھے وہ اپنا بناتا چلا گیا

اس نے تو میرے راز کو رہنے دیا نہ راز

میں کس کو اپنا راز بتاتا چلا گیا

تب تک نظر میں ان کی میں اچھا بنا رہا

جب تک کی ہاں میں ہاں میں ملاتا چلا گیا