itna tilism yaad ke chaqmaq mein raha

Ejaz Gul

itna tilism yaad ke chaqmaq mein raha

Ejaz Gul

MORE BYEjaz Gul

    itnā tilism yaad ke chaqmāq meñ rahā

    raushan charāġh duur kisī taaq meñ rahā

    maḳhfī bhī thā visāl vo bāb-e-muḳhtasar

    kuchh dil bhī mahv hijr ke asbāq meñ rahā

    sahrā ke ishtirāk pe raazī the sab farīq

    mahmil jo fasād thā ushshāq meñ rahā

    mafqūd ho gayā hai siyāq-o-sabāq se

    jo harf-e-umr saikaḌoñ aurāq meñ rahā

    maiñ thā ki jis ke vāste pāband ahd-e-hijr

    vo aur ek hijr ke mīsāq meñ rahā

    atvār us ke dekh ke aatā nahīñ yaqīñ

    insāñ sunā gayā hai ki āfāq meñ rahā

    ḳhufta the daa.eñ baa.eñ ka.ī mār-e-āstīñ

    zahrāb asar mire tiryāq meñ rahā

    tārīḳh ne pasand kiyā bhī kisī sabab

    bas ki shāh-e-vaqt thā aurāq meñ rahā

    itna tilism yaad ke chaqmaq mein raha

    raushan charagh dur kisi taq mein raha

    maKHfi bhi tha visal ka wo bab-e-muKHtasar

    kuchh dil bhi mahw hijr ke asbaq mein raha

    sahra ke ishtirak pe raazi the sab fariq

    mahmil ka jo fasad tha ushshaq mein raha

    mafqud ho gaya hai siyaq-o-sabaq se

    jo harf-e-umr saikaDon auraq mein raha

    main tha ki jis ke waste paband ahd-e-hijr

    wo aur ek hijr ke misaq mein raha

    atwar us ke dekh ke aata nahin yaqin

    insan suna gaya hai ki aafaq mein raha

    KHufta the daen baen kai mar-e-astin

    zahrab ka asar mere tiryaq mein raha

    tariKH ne pasand kiya bhi kisi sabab

    ya bas ki shah-e-waqt tha auraq mein raha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY