itne achchhe ho ki bas tauba bhali
itne achchhe ho ki bas tauba bhalī
tum to aise ho ki bas tauba bhalī
rasm-e-ishq-e-ġhair aur maiñ ye bhī ḳhuub
aisī kahte ho ki bas tauba bhalī
merī mai-noshī pe saaqī kah uThā
itnī piite ho ki bas tauba bhalī
vaqt-e-āḳhir aur ye qaul-e-vafā
dam vo dete ho ki bas tauba bhalī
ġhair kī baat apne uupar le ga.e
aisī samjhe ho ki bas tauba bhalī
maiñ bhī aisā huuñ ki ḳhāliq kī panāh
tum bhī aise ho ki bas tauba bhalī
kahte haiñ 'muztar' vo mujh ko dekh kar
yuuñ taḌapte ho ki bas tauba bhalī
itne achchhe ho ki bas tauba bhali
tum to aise ho ki bas tauba bhali
rasm-e-ishq-e-ghair aur main ye bhi KHub
aisi kahte ho ki bas tauba bhali
meri mai-noshi pe saqi kah uTha
itni pite ho ki bas tauba bhali
waqt-e-aKHir aur ye qaul-e-wafa
dam wo dete ho ki bas tauba bhali
ghair ki baat apne upar le gae
aisi samjhe ho ki bas tauba bhali
main bhi aisa hun ki KHaliq ki panah
tum bhi aise ho ki bas tauba bhali
kahte hain 'muztar' wo mujh ko dekh kar
yun taDapte ho ki bas tauba bhali
Source:
Khirman (Part-1) (Pg. 234)
- Author: Muztar Khairabadi
-
- Edition: 2015
- Publisher: Javed Akhtar
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
