itne pur-maghz hain dalael kya

muneer saifi

itne pur-maghz hain dalael kya

muneer saifi

MORE BYmuneer saifi

    itne pur-maġhz haiñ dalā.el kyā

    dil ko kar loge apne qaa.el kyā

    phir vahī sar hai aur vahī tesha

    ishq kyā ishq ke masā.il kyā

    raushnī raushnī pukārte ho

    raushnī ke nahīñ masā.il kyā

    roz maidān-e-jañg bantā huuñ

    mujh meñ ābād haiñ qabā.il kyā

    kis qadar arziyāñ guzārī haiñ

    kabhī dekhī hai merī file kyā

    haath phailānā koī kam to nahīñ

    peT dikhlā.e tum ko saa.il kyā

    baiThe ab kirchiyāñ sameTte ho

    apne raste meñ ḳhud the haa.el kyā

    rāt-bhar jāgte rahe haiñ daraḳht

    koī panchhī huā hai ghāyal kyā

    bāt-be-bāt hañs rahe ho 'munīr'

    yuuñ asar ġham hogā zaa.il kyā

    itne pur-maghz hain dalael kya

    dil ko kar loge apne qael kya

    phir wahi sar hai aur wahi tesha

    ishq kya ishq ke masail kya

    raushni raushni pukarte ho

    raushni ke nahin masail kya

    roz maidan-e-jang banta hun

    mujh mein aabaad hain qabail kya

    kis qadar arziyan guzari hain

    kabhi dekhi hai meri file kya

    hath phailana koi kam to nahin

    peT dikhlae tum ko sail kya

    baiThe ab kirchiyan sameTte ho

    apne raste mein KHud the hael kya

    raat-bhar jagte rahe hain daraKHt

    koi panchhi hua hai ghayal kya

    baat-be-baat hans rahe ho 'munir'

    yun asar gham ka hoga zail kya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY