Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

اضطراب دل میں آ جا کر دوام آ ہی گیا

ناطق گلاوٹھی

اضطراب دل میں آ جا کر دوام آ ہی گیا

ناطق گلاوٹھی

MORE BYناطق گلاوٹھی

    اضطراب دل میں آ جا کر دوام آ ہی گیا

    زندگی کو ایک حالت پر قیام آ ہی گیا

    اتفاقاً اس گلی سے لے بڑھی عمر رواں

    میں تو سمجھا تھا کہ اب میرا مقام آ ہی گیا

    ہو گئی آوارہ گردی بے گھری کی پردہ دار

    کام جتنا ہم کو آتا تھا وہ کام آ ہی گیا

    بندگی آموز بزم زندگی بے چارگی

    آدمی کو جب غرض اٹکی سلام آ ہی گیا

    انتظام روز عشرت اور کر اے نامراد

    عید آتی ہی رہی ماہ صیام آ ہی گیا

    رند جانے رند کا ایمان جانے شغل رند

    پند گو کے منہ تک آنا تھا حرام آ ہی گیا

    ہو گیا ترک طلب کا نام عجز حوصلہ

    جس سے ہم ڈرتے رہے وہ اتہام آ ہی گیا

    اب کہیں کس سے کہ ان سے بات کرنا ہے گناہ

    جب کلام آیا زباں پر لا کلام آ ہی گیا

    اول اول خوب دوڑی کشتی اہل ہوس

    آخر آخر ڈوب مرنے کا مقام آ ہی گیا

    رفعت ہستی کو پستی نے دکھایا آسماں

    جھونپڑوں تک اونچے محلوں سے سلام آ ہی گیا

    آ گیا ہے اے فلک ذروں کو احساس خودی

    میں سمجھتا ہوں کہ وقت انتقام آ ہی گیا

    وہ مسلسل اب کہاں تابانیٔ روز نشاط

    رہ رو مغرور دیکھا وقت شام آ ہی گیا

    حشر سے اچھا رہا اک فتنۂ محشر خرام

    پھر تمام آتا نہ آتا ناتمام آ ہی گیا

    تلخ کام افزائش شیرینی عشرت ہوئی

    آتے آتے ہو کے زہر آلود جام آ ہی گیا

    بات کیا چھپتی کہ تھا اپنا جدا طرز کلام

    نام آیا بھی نہ تھا ناطقؔ کہ نام آ ہی گیا

    مأخذ :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے