اضطراب خود نمائی و حیا میں فرق ہے
اضطراب خود نمائی و حیا میں فرق ہے
ہم سمجھتے ہیں جو ان کی ہر ادا میں فرق ہے
دوستو اجمال کی تفصیل کا موقع نہیں
میں یہ کہتا ہوں کہ اخلاص و ریا میں فرق ہے
ایک اقدام یقیں ہے دوسرا شک آشنا
اعتراف لغزش عذر و خطا میں فرق ہے
حال چہرے سے عیاں ہوتا ہے لفظوں سے نہیں
یعنی اب معناً سکوت و التجا میں فرق ہے
ایک ہی عالم میں ہیں سب جادہ پیمائے عدم
ویسے ہونے کو یہاں شاہ و گدا میں فرق ہے
ایک طوفانوں پہ قادر ایک طوفاں آزما
یہ حقیقت ہے خدا و ناخدا میں فرق ہے
اس کا پہلے فیصلہ ہو قافلہ کیوں کر لٹا
یہ غلط ہے رہزن و جادہ نما میں فرق ہے
چڑھتے سورج کے پجاری ڈوبتا سورج بھی دیکھ
یہ بتانا ہے زوال و ارتقا میں فرق ہے
وجہ محرومی ہے میری شان استغنا عروجؔ
دست کش میں اور دست نارسا میں فرق ہے
مأخذ:
Tahreek Jild 19 Sh. 1 April 1971 (Pg. 26)
-
- ناشر: گوپال متل
- سن اشاعت: 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.