izzat usi ki ahl-e-nazar ki nazar mein hai

izzat usī kī ahl-e-nazar kī nazar meñ hai

sab kuchh bashar meñ hai jo mohabbat bashar meñ hai

kyā pūchhte ho jauhar-e-teġh-e-nigāh-e-nāz

ye us se tez hai jo tumhārī kamar meñ hai

qāsid savāl-e-vasl suneñ aur vo chup raheñ

kyā kyā na shān-e-be-ḳhabarī is ḳhabar meñ hai

kyā jaane kis savāl kā bhejā hai ye javāb

ik tiir ik chhurī kaf-e-paiġhāmbar meñ hai

aur ek baar qalb ko taḌpā.e vo nigāh

itnī sakat abhī to hamāre jigar meñ hai

ai dil kisī kī yaad bhī aur iztirāb bhī

itnā nahīñ ḳhayāl ki mehmān ghar meñ hai

ghabrā.e kyuuñ na kashmakash-e-naz.a se 'diler'

pahlā ye ittifāq use umr bhar meñ hai

izzat usi ki ahl-e-nazar ki nazar mein hai

sab kuchh bashar mein hai jo mohabbat bashar mein hai

kya puchhte ho jauhar-e-tegh-e-nigah-e-naz

ye us se tez hai jo tumhaari kamar mein hai

qasid sawal-e-wasl sunen aur wo chup rahen

kya kya na shan-e-be-KHabari is KHabar mein hai

kya jaane kis sawal ka bheja hai ye jawab

ek tir ek chhuri kaf-e-paighambar mein hai

aur ek bar qalb ko taDpae wo nigah

itni sakat abhi to hamare jigar mein hai

ai dil kisi ki yaad bhi aur iztirab bhi

itna nahin KHayal ki mehman ghar mein hai

ghabrae kyun na kashmakash-e-naza se 'diler'

pahla ye ittifaq use umr bhar mein hai