jagte mein raat bhar wo jalwa-e-mahtab dekho

jāgte meñ raat bhar vo jalva-e-mahtāb dekho

aañkh lag jaa.e to phir us māh-rū kā ḳhvāb dekho

jaan jaao asl kī maujūdgī kā bhed saarā

dhyān se bahtī huī gangā kā Thahrā aab dekho

dekh lo tum hī to ho maujūd kaise bāhar andar

dil ko dariyā kar ke ḳhud ko is meñ kar ġharqāb dekho

mat Daro 'ġhālib' kī niyyat hī meñ koī chor hogā

merī maano paañv us sīmīñ-badan ke daab dekho

jism kī lazzat nahīñ hai ruuh kī lazzat se ḳhālī

jism ko bhī dekhne ke haiñ magar ādāb dekho

shā'irī ujḌe makāñ kā aa.ina hī to hai 'sānī'

is meñ basne vaale logoñ ko kahāñ shādāb dekho

jagte mein raat bhar wo jalwa-e-mahtab dekho

aankh lag jae to phir us mah-ru ka KHwab dekho

jaan jao asl ki maujudgi ka bhed sara

dhyan se bahti hui ganga ka Thahra aab dekho

dekh lo tum hi to ho maujud kaise bahar andar

dil ko dariya kar ke KHud ko is mein kar gharqab dekho

mat Daro 'ghaalib' ki niyyat hi mein koi chor hoga

meri mano panw us simin-badan ke dab dekho

jism ki lazzat nahin hai ruh ki lazzat se KHali

jism ko bhi dekhne ke hain magar aadab dekho

sha'iri ujDe makan ka aaina hi to hai 'sani'

is mein basne wale logon ko kahan shadab dekho