jagte zaKHmon ki mahfil hai ki shab
jāgte zaḳhmoñ kī mahfil hai ki shab
ye koī TuuTā huā dil hai ki shab
qabr se bāhar nikal aa.ī hai aaj
dāstān-e-karb-e-hāsil hai ki shab
kū-ba-kū saarī fazā ḳhāmosh hai
shahr par rakkhī huī sil hai ki shab
lamha lamha zahr pī kar mast hai
phan paTakte saañp kā dil hai ki shab
laash apnī chāTtī hai jiibh se
dasht meñ āh-e-qavāfil hai ki shab
chīḳhte haiñ lafz rote haiñ varaq
ye mire 'aiboñ kī file hai ki shab
jism ke sahrā meñ jharne khojtī
tishnagī manzil-ba-manzil hai ki shab
jagte zaKHmon ki mahfil hai ki shab
ye koi TuTa hua dil hai ki shab
qabr se bahar nikal aai hai aaj
dastan-e-karb-e-hasil hai ki shab
ku-ba-ku sari faza KHamosh hai
shahr par rakkhi hui sil hai ki shab
lamha lamha zahr pi kar mast hai
phan paTakte sanp ka dil hai ki shab
lash apni chaTti hai jibh se
dasht mein aah-e-qawafil hai ki shab
chiKHte hain lafz rote hain waraq
ye mere 'aibon ki file hai ki shab
jism ke sahra mein jharne khojti
tishnagi manzil-ba-manzil hai ki shab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
