jaane kis KHwab ka sayyal nasha hun main bhi

Raj Narayan Raaz

jaane kis KHwab ka sayyal nasha hun main bhi

Raj Narayan Raaz

MORE BYRaj Narayan Raaz

    jaane kis ḳhvāb sayyāl nasha huuñ maiñ bhī

    ujle mausam tarah ek fazā huuñ maiñ bhī

    haañ dhanak TuuT ke bikhrī thī mire bistar par

    ai sukūñ-lams tire saath jiyā huuñ maiñ bhī

    raah pāmāl thī chhoḌ aayā huuñ sāthī sote

    korī miTTī gunahgār huā huuñ maiñ bhī

    kitnā sarkash thā havāoñ ne sazā kaisī

    kaaTh murġh huuñ ab bād-numā huuñ maiñ bhī

    kaisī bastī hai makīñ jis ke haiñ būḌhe bachche

    kyā muqaddar hai kahāñ aa ke rukā huuñ maiñ bhī

    ek be-chehra maḳhlūq hai chāroñ jānib

    ā.īno dekho mujhe masḳh huā huuñ maiñ bhī

    haath shamshīr pe hai zehn pas-o-pesh meñ hai

    'rāz' kin yāroñ ke mā-bain khaḌā huuñ maiñ bhī

    jaane kis KHwab ka sayyal nasha hun main bhi

    ujle mausam ki tarah ek faza hun main bhi

    han dhanak TuT ke bikhri thi mere bistar par

    ai sukun-lams tere sath jiya hun main bhi

    rah pamal thi chhoD aaya hun sathi sote

    kori miTTi ka gunahgar hua hun main bhi

    kitna sarkash tha hawaon ne saza di kaisi

    kaTh ka murgh hun ab baad-numa hun main bhi

    kaisi basti hai makin jis ke hain buDhe bachche

    kya muqaddar hai kahan aa ke ruka hun main bhi

    ek be-chehra si maKHluq hai chaaron jaanib

    aaino dekho mujhe masKH hua hun main bhi

    hath shamshir pe hai zehn pas-o-pesh mein hai

    'raaz' kin yaron ke ma-bain khaDa hun main bhi

    RECITATIONS

    Nomaan Shauque

    Nomaan Shauque

    Nomaan Shauque

    Nomaan Shauque

    Nomaan Shauque

    jaane kis KHwab ka sayyal nasha hun main bhi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY