jaane kyun log gham se Darte hain

Asar Akbarabadi

jaane kyun log gham se Darte hain

Asar Akbarabadi

MORE BYAsar Akbarabadi

    jaane kyuuñ log ġham se Darte haiñ

    ham to ālām meñ nikharte haiñ

    jo ḳhushī ke sarāb meñ gum haiñ

    vo ḳhushī se apnī marte haiñ

    ġham bhī rakhte haiñ saath ḳhushiyoñ ke

    zindagī meñ jo rañg bharte haiñ

    TuuT jaate haiñ sab ġhamoñ ke hisār

    motī ḳhushiyoñ ke jab bikharte haiñ

    laakh ḳhushiyāñ unheñ mubārak hoñ

    ham ġhamoñ se dil ko bharte haiñ

    Duub jaate haiñ jo kināre par

    vo kahāñ Duub kar ubharte haiñ

    hālat-e-dil batā.eñ ham un ko

    kaise din raat ab guzarte haiñ

    khul jaate haiñ un pe aib-o-hunar

    ā.īne se jo baat karte haiñ

    aa.ina dekhtā hai hairat se

    vo jis andāz se sañvarte haiñ

    kyā bharosa hai zindagī 'asar'

    roz jiite haiñ roz marte haiñ

    jaane kyun log gham se Darte hain

    hum to aalam mein nikharte hain

    jo KHushi ke sarab mein gum hain

    wo KHushi se hi apni marte hain

    gham bhi rakhte hain sath KHushiyon ke

    zindagi mein jo rang bharte hain

    TuT jate hain sab ghamon ke hisar

    moti KHushiyon ke jab bikharte hain

    lakh KHushiyan unhen mubarak hon

    hum ghamon se hi dil ko bharte hain

    Dub jate hain jo kinare par

    wo kahan Dub kar ubharte hain

    haalat-e-dil bataen hum un ko

    kaise din raat ab guzarte hain

    khul hi jate hain un pe aib-o-hunar

    aaine se jo baat karte hain

    aaina dekhta hai hairat se

    wo jis andaz se sanwarte hain

    kya bharosa hai zindagi ka 'asar'

    roz jite hain roz marte hain

    Source :
    • Book : Uran Kate Paron ki (Pg. 40)
    • Author : Asar Akbarabadi
    • Publication : Asar Akbarabadi, Canada (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY